સુશાંતસિંહ કેસને લઈને ગૃહમંત્રી અમિત શાહનું મોટું નિવેદન

દેશના ગૃહમંત્રી અમિત શાહે એક ખાનગી ન્યુજ એજન્સી સાથેની ખાસ વાતચીતમાં બોલીવુડના અભિનેતા સુશાંત સિંહ રાજપૂત કેસ અને TRP સ્કેમ વિશે પણ વાત કરવામાં આવી હતી. ગૃહમંત્રી અમિત શાહને એવો સવાલ પૂછાયો કે, સુશાંત સિંહ રાજપૂતનું મૃત્યુ આ વર્ષની સૌથી મોટી ખબરોમાંની એક ખબર હતી. પરંતુ આ ખબરની અસર એ ભારતના મીડિયા ઉપર પણ અનેક સવાલ ઊભા કર્યા હતા. સુશાંતસિંહની મોતની ખબરના બહાને TRP મેળવનાર મીડિયાએ પોતાની તમામ હદ પાર કરી નાખી હતી અને પછી આ ક્રમમાં હાથરસ અને આવી જ બીજી ઘટનાઆ એ ખુબ અસર કરી છે. એક ગૃહમંત્રી તરીકે અને સામાન્ય માણસ તરીકે અમિત શાહ હાલના સમયના મીડિયા વિશે શું વિચારે છે?

અમિત શાહે જવાબ આપતા કહ્યું કે, આ મુદ્દે શું કરવાનું છે તે મીડિયાએ પોતે જ નક્કી કરવું જોઈએ. તેમણે કહ્યું કે, હું મીડિયા જગતના લોકોને કોઈ સલાહ આપવા માંગતો નથી પરંતુ બેલેન્સ કરવાની જરૂર છે. એવો જનતાની પણ માંગ છે.

મીડિયાનો સવાલ: બિહારમાં સુશાંત ઘટના એ ચૂંટણી માટે મુદ્દો બની ગયો છે?
અમિત શાહનો જવાબ: બની શકે કે કેટલાક લોકો આ સુશાંત મુદ્દા ઉપર પણ મત આપે પરંતુ બે ઘટના એક સાથે થઈ. અને આટલો વિવાદ થયો. મને આશ્ચર્ય એ વાતનું હતું કે, મહારાષ્ટ્ર સરકારે શાં માટે પહેલેથી જ સીબીઆઈને કેસ ન સોંપી દીધો? આ મામલે સુપ્રીમ કોર્ટે શા માટે નિર્ણય લેવો પડ્યો. પરિવારની માગણી પર પહેલેથી જ સીબીઆઈને કેસ સોંપી દેવાયો હોત તો પૂરી વાત સામે આવી ગઈ હોત.

મીડિયાનો સવાલ: NCB તમારા આધીન છે, સીબીઆઈ પણ તમારી પાસે છે તો શું તમે કોઈ નિર્દેશ આપ્યા છે?
શાહનો જવાબ: એજન્સીઓને મારે નિર્દેશ આપવાનો તો સવાલ જ નથી. તમામ સ્વતંત્ર રીતે તપાસ કરી રહ્યા છે. આ કેસની ન્યૂટ્રલ તપાસ થવી જોઈએ. નરેન્દ્ર મોદી સરકાર એ વાતમાં વિશ્વાસ નથી રાખતી કે એજન્સીઓની તપાસમાં કોઈ રાજકીય પક્ષ નિર્દેશ આપે.