November 18, 2024
કેન્દ્રીય ગૃહ પ્રધાન અમિત શાહે(Amit Shah) જણાવ્યું હતું કે સરકાર છ વર્ષથી વધુ સજાપાત્ર અપરાધો માટે ફોરેન્સિક તપાસ(Forensic investigation)ને “ફરજિયાત અને કાયદેસર” બનાવવાનું લક્ષ્ય રાખે છે. કેન્દ્ર સરકારે વિકસિત દેશો કરતાં દોષિત ઠેરવવાનો દર ઊંચો બનાવવા અને ફોરેન્સિક સાયન્સ(Forensic Science) તપાસ સાથે ફોજદારી ન્યાય પ્રણાલીને જોડવાનું લક્ષ્ય નક્કી કર્યું છે.
નેશનલ ફોરેન્સિક સાયન્સ યુનિવર્સિટી (NFSU), ગાંધીનગરના પ્રથમ દીક્ષાંત સમારોહમાં વિદ્યાર્થીઓને સંબોધતા શાહે જણાવ્યું હતું કે, સરકાર દેશના તમામ જિલ્લાઓમાં ફોરેન્સિક તપાસની સુવિધા પૂરી પાડશે અને તપાસ હાથ ધરવામાં આવે તે સુનિશ્ચિત કરવા માટે કાયદાકીય માળખું બનાવવામાં આવશે જેથી સ્વતંત્રતા અને નિષ્પક્ષતા જળવાઈ રહે.
અમિત શાહે કહ્યું કે, “વડાપ્રધાન નરેન્દ્ર મોદીના નેતૃત્વમાં કેન્દ્ર સરકાર ભારતીય દંડ સંહિતા (IPC), કોડ ઓફ ક્રિમિનલ પ્રોસિજર (CrPC) અને એવિડન્સ એક્ટમાં ફેરફાર કરવા જઈ રહી છે, કારણ કે આઝાદી પછી કોઈએ તેનું અર્થઘટન કર્યું નથી. ભારતીય પરિપ્રેક્ષ્યમાં આ કાયદાઓ જોયા નથી.”
Trending News
મુખ્ય અતિથિ તરીકે સમારોહને સંબોધતા શાહે કહ્યું, “સ્વતંત્ર ભારતમાં આ કાયદાઓને ફરીથી અમલમાં મૂકવાની જરૂર છે. તેથી, અમે IPC, CrPC અને એવિડન્સ એક્ટમાં ફેરફારો માટે ઘણા લોકોની સલાહ લઈ રહ્યા છીએ.
કેન્દ્રીય મંત્રીએ કહ્યું, ‘આ હેઠળ, અમે ફોરેન્સિક તપાસની જોગવાઈને ફરજિયાત બનાવવા જઈ રહ્યા છીએ અને છ વર્ષથી વધુની જેલની સજાને પાત્ર અપરાધો માટે કાયદેસર બનાવવા જઈ રહ્યા છીએ.
શાહે આ પ્રસંગે NFSU ખાતે DNA ફોરેન્સિક સેન્ટર, સાયબર સિક્યોરિટી સેન્ટર અને સેન્ટર ફોર ઇન્વેસ્ટિગેશન એન્ડ ફોરેન્સિક સાયકોલોજીનું પણ ઉદ્ઘાટન કર્યું હતું અને કહ્યું હતું કે, તેમને ખાતરી છે કે તેઓ દેશની ફોજદારી ન્યાય વ્યવસ્થા માટે ફાયદાકારક સાબિત થશે. આ ત્રણ કેન્દ્રો શિક્ષણ અને તાલીમ સિવાય સંશોધન અને વિકાસના મુખ્ય કેન્દ્રો હશે… હું તમને ખાતરી આપું છું કે સંશોધન અને વિકાસના ક્ષેત્રમાં નવી સફર સાથે, ભારત આ ત્રણ ક્ષેત્રોમાં ફોરેન્સિક વિજ્ઞાનનું વૈશ્વિક કેન્દ્ર બનશે, આ દિશામાં આપણે વિશ્વમાં સૌથી આગળ રહીશું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.