દર્દી સાથે સિવિલ હોસ્પીટલે પાર કરી હેવાનિયતની તમામ હદો- પહેલા તો જરૂરી ઓક્સીજનની પાઈપ કાઢી લીધી અને પછી…

કોરોના મહામારી વચ્ચે સિવિલ હોસ્પિટલો બેદરકારીને કારણે હંમેશા ચર્ચામાં રહી છે, હાલ અમરેલી સિવિલ હોસ્પિટલમાં દાખલ મહિલા કેવી કેવી પરિસ્થિતિથી વચ્ચે સિવિલમાં સારવાર લઇ રહ્યા હતા તેનો ઓડિયો હાલ વાયરલ થયો છે. સિવિલ હોસ્પિટલ દ્વારા કેવી હેવાનિયત દર્દીઓ સાથે કરવામાં આવી રહી છે તેનો પર્દાફાશ થયો છે.

વાલીબેન જીનાભાઈ ભુવાને સામાન્ય તાવ આવ્યો હતો અને પરિવારજનો સવારમાં જ સિવિલમાં રીપોર્ટ કરાવવા પહોચ્યા હતા અને રીપોર્ટ કરાવ્યા બાદ કોઈ રિપોર્ટનું કાગળ નહોતું આપ્યું પરંતુ ડો.સતાણી પરિવારજનો પાસે આવ્યા હતા અને કહ્યું હતું કે, ચિંતા કરવાની કોઈ જરૂર નથી તમારા દર્દીનો રીપોર્ટ નેગેટીવ છે, એટલે પરિવારે તેમને રજા આપવાની માંગણી કરી હતી. પરંતુ દર્દી કોરોના નેગેટીવ હોવા છતાં સિવિલે રજા પણ ન આપી અને કોઈપણ જાતનો લેખિતમાં રીપોર્ટ પણ ન આપ્યો અને દર્દીને સાજ સુધી સિવિલમાં રાખ્યા હતા.

જયારે સાંજે ફરીથી એકવાર વાલીબેનના દીકરા સિવિલમાં પહોચ્યા અને કહ્યું કે, અમારા દર્દીને રજા આપો અમારે તેમને અમદાવાદ લઇ જવા છે, ત્યારે સિવિલ હોસ્પીટલના એક મહિલા ડોક્ટર લેખિતમાં લઈને આવ્યા કે, ‘તમારા માતૃશ્રી કોરોના પોઝીટીવ છે તમારે તેને અહિયાં જ રાખવા પડશે’. આ લેખિત રીપોર્ટ પણ મહિલા ડોકટરે તમની પાસે જ રાખ્યો હતો. રીપોર્ટની માંગણી કરવા છતાં સિવિલ દ્વારા કોઈપણ પ્રકારનો રીપોર્ટ પરિવારજનોને આપ્યો નહિ.

ત્યારબાદ પોઝીટીવના સમાચાર સાંભળી પરિવારજનો વાલીબેનને સિવિલમાં દાખલ કરીને ઘરે રવાના થયા હતા. વાલીબેન કેવી પરિસ્થિતિમાં સિવિલમાં જીવી રહ્યા છે તેની જાણકારી તેમને સાંજે ફોન દ્વારા મળી હતી. જયારે વાલીબેનના દીકરાએ તેમને હોસ્પીટલમાં ફોન કર્યો હતો. ત્યારે વાલીબેને ફોનમાં જણાવ્યું હતું કે, ‘મને બીજા વોર્ડમાં લઇ લીધી છે અને અહિયાં કોઈ ધ્યાન આપતું નથી અને મને ખુબ જ પેશાબ લાગ્યો છે પરંતુ કોઈ આવતું નથી.’