November 04, 2024
આંધ્ર પ્રદેશ(Andhra Pradesh)ના મુખ્ય પ્રધાન વાયએસ જગન મોહન રેડ્ડી(YS Jagan Mohan Reddy)એ ગુરુવારે એરપોર્ટ(Airport), દરિયાઈ બંદરો અને માછીમારી બંદરો પર અધિકારીઓ સાથે સમીક્ષા બેઠક(Review meeting)ની અધ્યક્ષતા કરી હતી. આ દરમિયાન સીએમ જગન મોહન રેડ્ડીએ અધિકારીઓને દરેક જિલ્લામાં એરપોર્ટ બનાવવાની સૂચના આપી હતી.
દરેક જિલ્લામાં એરપોર્ટ બનાવવા સૂચના:
રાજ્યમાં ઉડ્ડયન ક્ષેત્રની ચર્ચા કરતી વખતે, મુખ્ય પ્રધાન વાયએસ જગન મોહન રેડ્ડીએ અધિકારીઓને નવા એરપોર્ટના નિર્માણની યોજના બનાવવાનો નિર્દેશ આપ્યો. આ દરમિયાન તેમણે રાજ્યના દરેક જિલ્લામાં એક એરપોર્ટ હોવું જોઈએ અને દરેક એરપોર્ટ સ્ટાન્ડર્ડ સાઈઝનું હોવું જોઈએ, જેથી નાના-મોટા એરક્રાફ્ટ એરપોર્ટ પર લેન્ડ થઈ શકે તે ધ્યાનમાં રાખવાનો નિર્દેશ પણ આપ્યો હતો.
ગ્રીનફિલ્ડ બંદરોને પ્રાથમિકતા આપવાનો આદેશ:
બંદરોની ચર્ચા કરતી વખતે, મુખ્યમંત્રીએ અધિકારીઓને રાજ્યમાં ત્રણ ગ્રીનફિલ્ડ બંદરો- રામાયપટ્ટનમ, માછલીપટ્ટનમ અને ભવાનપાડુના નિર્માણને પ્રાથમિકતા આપવાનો નિર્દેશ આપ્યો હતો. આ દરમિયાન અધિકારીઓએ સીએમને કહ્યું કે રામાયપટ્ટનમ પોર્ટ પર કામ ટૂંક સમયમાં શરૂ થશે.
Trending News
આ જિલ્લાઓમાં બંદરોનું નિર્માણ કાર્ય શરૂ થયું:
રાજ્ય સરકારની માહિતી અનુસાર, પ્રથમ તબક્કામાં રાજ્યના 9 માછીમારી બંદરોમાંથી, ચાર બાંધકામના પ્રારંભિક તબક્કામાં છે અને ઓક્ટોબર 2022 સુધીમાં પૂર્ણ થવાની સંભાવના છે. ઉપપાડા (પૂર્વીય ગોદાવરી), નિઝામપટ્ટનમ (ગુંટુર), માછલીપટનમ (કૃષ્ણા) અને જુવાલાદિન (નેલ્લોર) જિલ્લામાં સ્થિત માછીમારી બંદરો માટે પ્રારંભિક બાંધકામ શરૂ થઈ ગયું છે.
આ જિલ્લાઓમાં ફિશિંગ હાર્બર બનાવવામાં આવશે:
અધિકારીઓએ જણાવ્યું હતું કે બીજા તબક્કા હેઠળ, 5 હાર્બરનું નિર્માણ નિર્ધારિત સમયમર્યાદામાં પૂર્ણ કરવામાં આવશે અને તેના સંબંધિત ટેન્ડરને પણ ટૂંક સમયમાં અંતિમ સ્વરૂપ આપવામાં આવશે. તબક્કો-II હેઠળ, બુડાગતલાપલમ (શ્રીકાકુલમ), પુદિમડકા (વિશાખાપટ્ટનમ), બિયાપુથિપ્પા (પશ્ચિમ ગોદાવરી), બંદર (પ્રકાસમ), કોટ્ટાપટનમ (પ્રકાસમ) જિલ્લામાં માછીમારીના બંદરો બાંધવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.