કોંગ્રેસની ડૂબતી નૈયાને કોણ તારશે? વધુ એક ધારાસભ્યએ આપી દીધું રાજીનામું

ગુજરાત(Gujarat): વિધાનસભાની ચૂંટણી(Gujarat election 2022) નજીક આવતા જ રાજીનામાંનો દોર ચાલુ થઇ ગયો છે. ત્યારે આમ આદમી પાર્ટી(AAP) પણ આ વખતે ભાજપ(BJP)ને જોરદાર ટક્કર આપતી નજરે ચડી રહી છે. ત્યારે આ દરમિયાન ઘણા રાજકીય વિશ્લેષકો તો એમ પણ કહી રહ્યાં છે કે, ભાજપની આ વખતે કોંગ્રેસ(Congress) સાથે નહીં પણ આમ આદમી પાર્ટી સાથે સીધી ટક્કર થઇ રહી છે, જોકે એ તો આવનાર સમય જ બતાવી શકશે. ત્યારે હવે કોંગ્રેસમાંથી વધુ એક ધારાસભ્યનું રાજીનામુ પડ્યું છે. જેને કારણે કોંગ્રેસનો મોટો ઝટકો લાગ્યો છે.

વધુ એક ધારાસભ્યએ કોંગ્રેસનો હાથ છોડ્યો:
જો વાત કરવામાં આવે તો વિધાનસભાની ચૂંટણી અગાઉ જ કોંગ્રેસના વધુ એક ધારાસભ્યએ કોંગ્રેસનો હાથ છોડ્યો છે. આણંદના પેટલાદ બેઠક પર કોંગ્રેસમાં નારાજગી જોવા મળી છે. ટીકિટ કપાતા નારાજ ધારાસભ્ય નિરંજન પટેલએ કોંગ્રેસમાંથી રાજીનામું ધરી દીધું હતું. કોંગ્રેસે ટીકિટ ન આપતા સોશિયલ મીડિયામાં રાજીનામાંની પોસ્ટ વાયરલ કરી હતી.

અત્રે ઉલ્લેખનીય છે કે, અગાઉ નિરંજન પટેલ ભાજપમાં જોડાવાની અટકળો ચાલી રહી હતી. જોકે આ અંગે કોઈ સ્પષ્ટતા થઇ નથી. એક બાદ એક ધારાસભ્યના રાજીનામાં પડતા હવે કોંગ્રેસને પડતા પર પાટું જેવી સ્થિતિ સર્જાય છે. કોંગ્રેસમાંથી સતત રાજીનામાનો દોર ચાલી રહ્યો છે.

બે તબક્કામાં થશે મતદાન:
ગુજરાતમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે થવાનું છે. ગુજરાત વિધાનસભાની ચૂંટણીનું પરિણામ 8 ડિસેમ્બરે જાહેર થશે અને સાથે જ હિમાચલ પ્રદેશની ચૂંટણીનું પરિણામ પણ 8 ડિસેમ્બરે જાહેર કરવામાં આવશે.