ભાજપે આ બેઠકના ઉમેદવાર યોગેશ પટેલને સતત 8 મી વખત આપી ટિકિટ

ગુજરાત(Gujarat): રાજ્યની વિધાનસભા ચુંટણી(Gujarat election 2022)ની 182 બેઠકો પૈકી ભાજપ દ્વારા 181 બેઠકો ઉપર ઉમેદવારોના નામ જાહેર કરી દેવામાં આવ્યા છે. ફક્ત એક વડોદરાની માંજલપુર બેઠક ઉપર કોંકડું ગૂંચવાયેલું જોવા મળતું હતું. પરંતુ આજે સવારે વડોદરા(Vadodara)ની માંજલપુર(Manjalpur) બેઠક પર ભાજપ ટિકિટ આપી હોવાનો યોગેશ પટેલ(Yogesh Patel) દ્વારા દાવો કરવામાં આવ્યો છે. યોગેશ પટેલે જણાવ્યું છે કે, મને મોવડી મંડળ તરફથી ફોન આવી ગયો છે. જેથી આજે યોગેશ પટેલ દ્વારા ફોર્મ ભરવાની તૈયારીઓ શરૂ કરી દેવામાં આવી છે.

ઉલ્લેખનીય છે કે, માંજલપુર બેઠક પર ભાજપ દ્વારા યોગેશ પટેલને ફરી એકવાર રિપિટ કરવામાં આવ્યા છે. યોગેશ પટેલે દાવો કર્યો હતો કે, આજે સવારે મને મોવડી મંડળ તરફથી ફોન આવ્યો હતો. એટલું જ નહીં, મેન્ડેટ મળ્યો હોવાનો પણ યોગેશ પટેલ દ્વારા સત્તાવાર જાહેરાત કરવામાં આવી છે. આ સાથે જ ભાજપ દ્વારા સતત 8મી વખત યોગેશ પટેલને ટિકિટ આપવામાં આવી છે અને યોગેશ પટેલ આજે સમર્થકો સાથે ફોર્મ ભરવા માટે જશે.

જણાવી દઈએ કે, ભાજપ દ્વારા 181 બેઠકો ઉપર ઉમેદવારો જાહેર કરી હતી, પરંતુ એક માત્ર વડોદરાની માંજલપુર બેઠક પર યોગેશ પટેલના કારણે કોકડું જોવા મળતું હતું ત્યારે હવે તેનો પણ અંત આવ્યો છે. અગાઉ માંજલપુર બેઠકના વર્તમાન ધારાસભ્ય યોગેશ પટેલે જાહેરાત કરીને જણાવતા કહ્યું છે કે, માંજલપુરથી ભાજપમાંથી આજે ફોર્મ ભરીશ. પાર્ટીએ મારી પર વિશ્વાસ વ્યક્ત કર્યો છે.

બે તબક્કામાં થશે મતદાન:
ગુજરાતમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે થવાનું છે. ગુજરાત વિધાનસભાની ચૂંટણીનું પરિણામ 8 ડિસેમ્બરે જાહેર થશે અને સાથે જ હિમાચલ પ્રદેશની ચૂંટણીનું પરિણામ પણ 8 ડિસેમ્બરે જાહેર કરવામાં આવશે.