January 19, 2025
બોલીવુડ(Bollywood): સુષ્મિતા સેન (Sushmita Sen) વેબ સિરીઝ ‘આર્યા 2’માં પોતાના અભિનયને કારણે ચર્ચામાં છે. લોકો તેના કામના વખાણ કરી રહ્યા છે, પરંતુ તેના અંગત જીવનમાં ઘણું બધું ચાલી રહ્યું છે. અભિનેત્રીએ રોહમન શૉલ (Rohman Shawl) સાથેના તેના બ્રેકઅપની પુષ્ટિ કરી છે. સુષ્મિતાએ કહ્યું કે તેઓ હવે સાથે નથી.
સુષ્મિતા અને રોહમન મિત્રો જ રહેશે
રોહમન સાથેની તસવીર શેર કરતા સુષ્મિતાએ કહ્યું કે તેઓ હજુ પણ મિત્રો છે. તે લખે છે, ‘અમારો સંબંધ મિત્રતાથી શરૂ થયો, અમે મિત્રો જ રહીશું!! સંબંધ ઘણા સમય પહેલા પૂરો થયો, પણ પ્રેમ રહ્યો!! તમને સૌને પ્રેમ કરું છું.
સુષ્મિતાના પરિવારની નજીક હતો રોહમન
બંનેની મિત્રતાની શરૂઆત ઈન્સ્ટાગ્રામ પર ચેટથી થઈ હતી. તેઓએ 2018 માં એકબીજાને મળવાનું શરૂ કર્યું, થોડા સમય પછી, રોહમન સુષ્મિતાની પુત્રીઓ અને તેના માતાપિતાની નજીક આવી ગયો. તેઓ ઘણીવાર રજાઓ પર સાથે જોવા મળતા હતા. ગયા મહિને સુષ્મિતાના જન્મદિવસ પર, રોહમને તેની ઇન્સ્ટાગ્રામ સ્ટોરી પર એક નોંધ શેર કરી, જેમાં લખ્યું હતું, ‘હેપ્પી બર્થ ડે બાબુશ.’
Trending News
રોહમને સુષ્મિતાનું છોડી દીધું ઘર
અગાઉ, દંપતીના નજીકના સ્ત્રોતે ETimes ને જણાવ્યું હતું કે, સુષ્મિતાએ રોહમન સાથેના તમામ સંબંધો તોડી નાખ્યા છે અને રોહમન હાલમાં એક મિત્ર સાથે રહે છે. સુષ્મિતાએ આ વર્ષે ફેબ્રુઆરીમાં સોશિયલ મીડિયા પર ખરાબ સંબંધમાંથી બહાર આવવા વિશે લખ્યું હતું. પછી ચાહકોએ વિચાર્યું કે, તેમનું બ્રેકઅપ થઈ ગયું છે.
સુષ્મિતા સેન ઘણીવાર તેના બોયફ્રેન્ડ રોહમન શોલ સાથે જોવા મળતી હતી. તેઓ લાંબા સમયથી એકબીજાને ડેટ કરી રહ્યા હતા. કપલના લગ્નની અફવાઓ પણ ઉડી હતી, પરંતુ હવે બંને અલગ થઈ ગયા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.