કરોડોનો આલીશાન બંગલો છોડી ભાડે રહેવા ગયા કોહલી-અનુષ્કા, ઘરનું ભાડું એટલું છે કે…

અનુષ્કા શર્મા (Anushka Sharma) અને વિરાટ કોહલી(Virat Kohli) શ્રેષ્ઠ કપલમાંથી એક છે. ચાહકો આ બંનેની જોડી પર ઘણો પ્રેમ વરસાવે છે. આ કપલ ઘણીવાર કોઈને કોઈ કારણસર ચર્ચામાં રહે છે. વિરાટ અને અનુષ્કા શર્મા માત્ર અંગત જીવન જ નહીં પરંતુ પ્રોફેશનલ લાઈફને લઈને પણ ચર્ચામાં આવે છે. હાલમાં જ આ બંને વિશે એક મોટા સમાચાર સામે આવી રહ્યા છે. થોડા સમય પહેલા પ્રખ્યાત સિંગર કિશોર કુમાર (Kishore Kumar)નો જુહુનો બંગલો વિરાટ કોહલી અને અનુષ્કા શર્માએ લીઝ પર લીધો હતો અને હવે તાજેતરના અહેવાલો અનુસાર, બંનેએ મુંબઈ (Mumbai)માં એક નાનકડો ફ્લેટ ભાડે રાખ્યો છે, જેની કિંમત સાંભળીને તમારા હોશ ઉડી જશે.

વિરાટ-અનુષ્કાએ મુંબઈમાં આ જગ્યાએ ભાડાનું ઘર લીધું હતું:
અહેવાલો મુજબ, વિરાટ કોહલી અને અનુષ્કા શર્માએ તાજેતરમાં જ મુંબઈના પોર્શ એરિયા જુહુમાં એક ફ્લેટ ભાડે લીધો છે. તેમનું એપાર્ટમેન્ટ હાઈ ટાઈડ બિલ્ડિંગના ચોથા માળે છે. રિપોર્ટ્સ અનુસાર, અનુષ્કા શર્મા અને વિરાટ કોહલીએ ભાડે લીધેલો આ ફ્લેટ માત્ર 1650 સ્ક્વેર ફૂટનો છે, જ્યાંથી આખો સીવ્યૂ (સમુદ્ર) દેખાય છે. અનુષ્કા શર્મા અને વિરાટ કોહલીના આ નવા ફ્લેટનું ભાડું લગભગ 2.76 લાખ એટલે કે લગભગ પોણા ત્રણ લાખ રૂપિયા છે અને આ ફ્લેટ માટે કપલે લગભગ 7.5 લાખ રૂપિયા જમા કરાવ્યા છે. તમને જણાવી દઈએ કે અનુષ્કા શર્મા અને વિરાટ કોહલીના જુહુમાં ભાડાના ઘરના માલિક અન્ય કોઈ નહીં પરંતુ પૂર્વ ક્રિકેટર સમરજિત સિંહ ગાયકવાડ છે.

વિરાટ-અનુષ્કાએ કિશોર કુમારનો બંગલો પણ લીઝ પર લીધો છે:
અનુષ્કા શર્મા અને વિરાટ કોહલીએ અગાઉ ગાયક કિશોર કુમારનો બંગલો 12 ઓક્ટોબર, 2022ના રોજ લીઝ પર લીધો હતો, જ્યાં દંપતીએ પોતાનું રેસ્ટોરન્ટ ખોલ્યું હતું, જેને તેમણે One8 Commune નામ આપ્યું હતું. વિરાટ કોહલી અને અનુષ્કા શર્માએ શા માટે જુહુમાં ભાડા પર ફ્લેટ લીધો છે તેનું કારણ હજુ સ્પષ્ટ થયું નથી. વિરાટ કોહલી અને અનુષ્કા શર્માનો વર્લીની ઓમકાર બિલ્ડીંગમાં પોતાનો ફ્લેટ છે. આ બિલ્ડીંગમાં આ કપલનો 35મા માળે ફ્લેટ છે. રિપોર્ટ્સ અનુસાર તેમના આ ફ્લેટની કિંમત લગભગ 34 કરોડ રૂપિયા છે. આ સિવાય અનુષ્કા શર્મા પાસે વર્સોવામાં એક મોટો ફ્લેટ છે.