જાણો કેમ 1 એપ્રિલના રોજ લોકોને ‘એપ્રિલ ફૂલ’ બનાવવામાં આવે છે? આ પાછળ ચોંકવનારો છે ઈતિહાસ

એક એપ્રિલના રોજ લોકોને મૃખ બનાવીને ‘એપ્રિલ ફૂલ’ ઉજવવામાં આવે છે. લોકોને આ દિવસ ઉજવવામાં ઘણો આનંદ આવે છે. નાનાથી લઈને દરેક લોકો આ દિવસે બીજાને એપ્રિલ ફૂલ બનાવવા નતનવા પેતરા કરતા હોય છે. તમે પણ કોઈને એપ્રિલ ફૂલ તો બનાવ્યા જ હશે. પરંતુ શું તમે જાણો છો કે આ એક એપ્રિલ એટલે કે એપ્રિલના ફૂલના દિવસે જ કેમ લોકોને મૃખ બનાવામાં આવે છે આ પાછળનું શું કારણ રહેલું છે કે લોકો આજના દિવસે લોકોને મૃખ બનાવે છે.

પહેલી એપ્રિલનો દિવસ મૂર્ખ દિવસ તરીકે ઉજવવામાં આવે છે. આ દિવસે લોકો એકબીજાની મજાક ઉડાવે છે, એપ્રિલ ફૂલ ડે પર, લોકો તમારી વચ્ચે વ્યવહારિક ટુચકાઓ અને મૂર્ખતાભરી ક્રિયાઓ કરે છે. ફૂલ ડે વિશે દરેક દેશમાં જુદા જુદા વલણો આવે છે અને લોકો આ દિવસને જુદી જુદી રીતે ઉજવે છે. આવી સ્થિતિમાં, કોઈ નથી જાણતું કે, આ દિવસનો ઇતિહાસ શું છે અને તે ક્યારે અને ક્યારે શરૂ થયો.

એપ્રિલ ફૂલ વિશે ઘણી વાર્તાઓ છે. જો ઇતિહાસ પર નજર કરીએ તો 1 એપ્રિલના દિવસે એકસાથે જ ઘણી રમૂજી ઘટનાઓ બની હતી, જેના કારણે આ દિવસ એપ્રિલ ફૂલ ડે તરીકે ઉજવવામાં આવ્યો હતો. કહેવામાં આવે છે કે એપ્રિલ ફૂલ્સ ડે (ફૂલ ડે) ની શરૂઆત ફ્રાન્સમાં 1582 માં થઈ હતી, જ્યારે પોપ ચાર્લ્સ 9 એ જૂના કેલેન્ડરની જગ્યાએ નવા રોમન કેલેન્ડરથી શરૂઆત કરી હતી.

એવું કહેવામાં આવે છે કે આ સમયગાળા દરમિયાન, કેટલાક લોકો હજુ પણ જુના કેલેન્ડરની તારીખે જ નવા વર્ષની ઉજવણી કરતા હતા અને ત્યારથી આવા લોકોને એપ્રિલ ફૂલ્સ કહેવાનું શરુ થયું હતું. જો કે, ફૂલ ડે વિશેની અન્ય ઘણી વાર્તાઓ પણ લોકપ્રિય છે. ઘણા અહેવાલોમાં દાવો કરવામાં આવે છે કે તેની શરૂઆત 1392માં થઇ હતી, પરંતુ આ માટેના કોઈ મજબૂત પુરાવા નથી.

તે જ સમયે, ઘણા અહેવાલો એમ પણ કહે છે કે, વર્ષ 1508માં, એક ફ્રેન્ચ કવિએ પોઈસન ડી’વરિલ (એપ્રિલ ફૂલ) નો સંદર્ભ આપ્યો હતો. 1539માં, તે જ સમયે, ફ્લેમિશ કવિ ‘ડેને’ એ એક સમૃદ્ધ માણસ વિશે લખ્યું, કે જે માણસે એક એપ્રિલના દિવસે તેના દરેક નોકરોને મુર્ખતા ભર્યા કામો માટે મોકલ્યા હતા. આવી ઘણી અન્ય વાર્તાઓ પણ લોકપ્રિય છે.

આપણા દેશની એક કડવી વાસ્તવિકતા છે કે, કોઈ નથી જાણતું કે આજના દિવસની શું હકીકત છે, બસ એટલો ખ્યાલ છે કે, એક એપ્રિલના દિવસે બીજા લોકોને મુર્ખ બનાવી ‘એપ્રિલ ફૂલ’ બનાવીએ. ભારતમાં એપ્રિલ ફૂલ બનવાની પ્રથા 19મી સદી પછી વધી છે. આ પહેલા દેશમાં કોઈ આ દિવસને ઉજવતું નહોતું. આ દિવસના લોકો એકબીજા સાથે મજાક કરીને પોતાનો આનંદ માણે છે. આ દિવસનો ઇતિહાસ દરેક રીતે જુદો છે. ભારતમાં સોશિયલ મીડિયાના આગમન પછીથી તેની ઓળખ વધુ વધી છે.

એપ્રિલ ફૂલની વાર્તાઓની જેમ, તેની ઉજવણી કરવાની રીતો પણ એકદમ અલગ છે. ફ્રાંસ, ઇટાલી, બેલ્જિયમમાં કાગળની માછલી બનાવવામાં આવે છે અને લોકોની પીઠ પાછળ તેને ખબર ન હોય તેમ ચોટાડી દેવામાં આવે છે અને તેનો મજાક ઉડાવીને લોકો આ દિવસની ઉજવણી કરે છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.