ગુજરાતમાં લવ જેહાદથી હિંદુ યુવતીઓને ફસાવવાના ખેલ કરનાર થશે જેલભેગા- વિધાનસભામાં આજે પસાર થશે

આજરોજ એટલે કે, 1 એપ્રિલણા દિવસે લવ જેહાદ કાયદો વિધાનસભા ગૃહમાં પસાર થશે. આ કાયદા હેઠળ આરોપી વિરુદ્ધ 5 વર્ષની કેદ તથા 2 લાખથી પણ વધારે રકમના દંડની જોગવાઇ કરવામાં આવી છે. જ્યારે સગીર, અનુસૂચિત જાતિ, અનુસૂચિત જનજાતિની મહિલા સાથે બનેલ ગુનામાં 7 વર્ષની કેદ તેમજ 3 લાખથી વધારેના દંડની જોગવાઇ કરવામાં આવી છે. લવ જેહાદ લગ્નમાં 5 વર્ષની સજા તેમજ 2 લાખનો દંડ થશે.

યુવતીઓને લગ્ન કરવા લાલચ અપાતાં રાજ્ય સરકારે નિર્ણય કર્યો છે:
રાજ્ય મંત્રીમંડળની મીટીંગમાં ગુજરાત ધર્મ સ્વાતંત્ર્ય અધિનિયમ 2021માં સુધારો કરતા બિલને પરવાનગી આપવામાં આવી છે કે, જે વિધાનસભાના અંતિમ દિવસે ગૃહમાં રજૂ કરવામાં આવશે. ગુજરાત ધર્મ સ્વાતંત્ર્ય અધિનિયમ 2003થી પ્રલોભન, બળજબરીપૂર્વક તેમજ ગેરરજૂઆત અથવા તો કોઈ બીજા કપટયુક્ત સાધનો દ્વારા કરવામાં આવેલ ધર્મ પરિવર્તનની તજવીજ કરવા ધાર્યું છે.

એમ છતાં ખુબ સારી જીવનશૈલી દેવીકૃપાનો વાયદો કરીને ખોટા નામ ધારણ કરીને ધર્મ પરિવર્તનની ઘટના બની રહી છે. હાલમાં ધર્મ પરિવર્તનના હેતુ માટે મહિલાઓને લગ્ન કરવાં માટે લલચાવવાની ઘટનામાં વધારો થતાં રાજ્ય સરકારે આ નિર્ણય લીધો છે. જેથી રાજ્ય સરકારે આ જોગવાઈઓ દાખલ કરી છે.

કાયદા પ્રમાણે મદદગારી કરનારની વિરુદ્ધ કાર્યવાહી થશે:
લવ-જેહાદની ઘટનામાં અમુક વ્યક્તિઓ ગુનો કરવામાં મદદગારી કરનાર વિરુદ્ધ કાયદેસરની કાર્યવાહી કરવામાં આવશે. કેટલીક ઘટનામાં બિનજામીનપાત્ર ગુનો પણ બનશે. આની માટે તપાસ નાયબ પોલીસ અધિક્ષકથી ઊતરતા દરજ્જાના હોય તેવા અધિકારી કરી શકશે નહીં એવી જોગવાઈ પણ કરવામાં આવી છે.