રસ્તા પર અચાનક ઉડી ચલણી નોટો, લોકો ગાડી ઉભી રાખીને વીણવા લાગ્યા… જુઓ વિડિયો

અમેરીકાના રાજ્ય જોર્જીયાના એટલાન્ટામાં મંગળવારની રાતે પૈસાથી ભરેલી ટ્રકનો રસ્તા પર દરવાજો ખુલી ગયો અને હજારો નોટો ટ્રકની બહાર ઉડવા લાગ્યા. રસ્તા પર ઉડતી આ નોટોને જોઈને લોકોએ ગાડી રોકીને તેને વીણવાનું શરૂ કરી દીધું. ડનવુડી પોલીસે સાર્જેટ રોબર્ટ પારસન્સે જણાવ્યું કે નોટોને ઉડતી જોઈને લોકો રસ્તા પર ઉભા રહીને નોટ લૂંટવા લાગ્યા.

તેમણે જણાવ્યું કે તેમણે ફક્ત ફિલ્મોમાં જ આવું થતા જોયું છે. તેમણે જણાવ્યા અનુસાર આવું પહેલી વખત હતું કે તેમની સામે હકીકતમાં જ ચાલતી ટ્રકમાંથી નોટો હવામાં ઉડી રહી હતી. અટલાન્ટાના વેસ્ટબાઉન્ડમાં થયેલી આ ઘટના બાદ અધિકારીઓએ જણાવ્યું કે લગભગ 1 લાખ 75 હજાર ડોલર ટ્રકમાંથી ઉડી ગયા છે અને પાછા નથી મળ્યા.