સુરત રેલવે સ્ટેશન પર રત્નકલાકારે બન્ને પગ ગૂમાવ્યા- ચાલુ ટ્રેને ચડતાં સર્જાઈ દુર્ઘટના

સુરત(ગુજરાત): હાલમાં સુરતમાંથી એક ખુબ જ દર્દનાક ઘટના સામે આવી છે. આ કરુણ ઘટના રેલવે સ્ટેશન પર સર્જાઈ હતી. જાણવા મળ્યું છે કે, રત્નકલાકાર કામકાજ પૂર્ણ કરીને પોતાના ઘર તરફ ઉતાવળે જઈ રહ્યો હતો. આ દરમિયાન રેલવે સ્ટેશન પર ટ્રેનને લીલીઝંડી મળી જતાં ઉપડી ગઈ હતી. સ્ટેશન છોડતી સુરત-વડોદરા મેમુ ટ્રેનમાં ઉતાવળે ચડતી વખતે રત્નકલાકારના વરસાદમાં ભીના થયેલા રેલવે સ્ટેશન પર પગ લપસ્યાં અને પગ ટ્રેનમાં આવી જતા તેણે પગ ગૂમાવવા પડ્યાં હતાં.

રલેવે સ્ટેશન પર ફરજ બજાવતાં આરપીએફ જવાનો દ્વારા તાત્કાલિક રત્નકલાકારને સારવાર માટે 108 એમ્બ્યુલન્સની મદદથી સ્મીમેર હોસ્પિટલ ખસેડવામાં આવ્યો હતો. જાણવા મળ્યું છે કે, કોસાડ-ભરથાણાનો રત્નકલાકાર નાઇટ ડ્યૂટી પૂરી કરી ઘરે જવા સુરત સ્ટેશન પહોંચ્યો હતો. સ્ટેશન પર પહોંચ્યો ત્યારે સુરત-વડોદરા મેમુ ટ્રેન ઉપડી રહી હતી. આ દરમિયાન, ચાલુ ટ્રેને બેસવા જતાં પગ લપસી જતાં ટ્રેન નીચે આવી જતાં રત્નકલાકારના બંને પગ કપાઇ ગયા હતા.