ચાલુ શાળામાં શિક્ષિકા શીખી રહ્યા હતા કાર, વિદ્યાર્થિનીને કારની અફડેટે લેતા ઘટનાસ્થળે જ મોત – જાણો વિગતે

ગુજરાતમાં આવેલ બનાસકાંઠાના દાંતાના રાણપુર આંબા ગામની પ્રાથમિક શાળામાં એક ગોઝારો બનાવ બન્યો છે. પ્રાથમિક શાળાની શિક્ષિકા ચાલુ શાળા દરમિયાન કાર શીખી રહી હતી. ત્યારે જ તેને શાળાનાં કંપાઉન્ડમાં પૂરઝડપે કાર હંકારતા એક વિદ્યાર્થિનીને કારની ટક્કર વાગતા ઘટનાસ્થળે જ મોત નીપજ્યું છે. આ ઘટનાને પગલે લોકો શિક્ષિકાના વિરોધમાં આવી ગયા હતા જેના કારણે આદિવાસી સમાજનાં લોકોમાં રોષે ભરાયા છે અને સ્થાનિક પોલીસને આ અંગે ફરિયાદ કરી વધુ તપાસ હાથ ધરાઇ છે.

પ્રાથમિક શાળાની શિક્ષિકા ખ્યાતિબહેન ચાલુ શાળામાં જ શાળાનાં પ્રાંગણમાં કાર શીખી રહ્યાં હતા. આ દરમિયાન શિક્ષિકાએ એક વિદ્યાર્થિનીને અડફેટે લીધી હતી. આ સમગ્ર ઘટના બાદ હાલ આ શિક્ષિકા ફરાર થઇ ગઇ છે. આ ઘટનાનાં રોષનાં પગલે આ શાળા આજે બંધ રાખવામાં આવી છે. આજના દિવસે અહીં કોઇ વિદ્યાર્થીઓ નથી આવ્યાં કે ન કોઇ શિક્ષકો આવ્યાં છે.