November 24, 2024
હાલમાં વધી રહેલા હત્યાના કિસ્સો દરમિયાન બનાસકાંઠામાં ચાંગા ગામ પાસે ચપ્પાનાં ઘા મારી એક યુવકની હત્યા કરી હોવાની ઘટના સામે આવી છે. જેમા બે દિવસ પહેલા થયેલા ઝઘડા બાબતે ઠપકો આપવા મિત્ર સાથે ગયેલા મિત્રની કરપીણ હત્યા થતા પોલીસ તાત્કાલિક ઘટનાસ્થળે પહોંચી હતી અને મૃતકની લાશને પોસ્ટમોર્ટમ માટે ખસેડી આગળની કાર્યવાહી હાથ ધરવામાં આવી છે
જાણવા મળ્યું છે કે, બનાસકાંઠાના કાંકરેજ તાલુકાના ચાંગા ગામ નજીક ગઈકાલે મોડી સાંજે સામાન્ય બોલાચાલીમાં એક યુવકની હત્યા કરી હોવાની ઘટના બની છે. જેમાં ચાંગા ગામે બે દિવસ પહેલા જ અલ્પેશ ચૌધરી અને પિયુષ પરમાર વચ્ચે બોલાચાલી થઇ હોવાનું સામે આવ્યું હતું.
જોકે, તે સમયે સ્થાનિક લોકોના સમજાવટથી મામલો થાળે પડી ગયો હતો. પરંતુ, ગઈકાલે મોડી સાંજે પિયુષ પરમાર તેના મિત્ર પ્રકાશ ઠાકોર સાથે અલ્પેશને ઠપકો આપવા માટે ગયો હતો. હત્યા કર્યા બાદ અલ્પેશ ત્યાંથી ફરાર થઈ ગયો હતો, ઘટનાની જાણ થતાં આજુબાજુના લોકો તેમજ થરા પોલીસ ઘટના સ્થળે આવી પહોંચી હતી.
Trending News
બાદમાં મૃતકની લાશને પોસ્ટમોર્ટમ માટે તેમજ ઈજાગ્રસ્તો યુવકને સારવાર માટે રેફરલ હોસ્પિટલમાં ખસેડવામાં આવ્યો હતો. સમગ્ર ઘટના અંગે થરા પોલીસ દ્વારા ફરાર અલ્પેશ વિરમાભાઈ ચૌધરી સામે હત્યાનો ગુન્હો નોંધી આગળની કાર્યવાહી હાથ ધરવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.