7 માસના બાળક પર JCB ફરી વળ્યું, માથાના બે ટુકડા થઈને નિપજ્યું કરુણ મોત- જાણો કયાંની છે આ ઘટના

ભરૂચમાં પાનોલીમાં આવેલ GIDCમાં એક ગમખ્વાર દુર્ઘટનાના સમાચાર સામે આવી રહ્યા છે. આ બનાવમાં એક JCBની નીચે કચડાઈ જવાથી માત્ર 7 માસના બાળકનું કમકમાટીભર્યું મોત થયું છે. પહેલી નજરે જોનારાઓનાં હ્રદય દ્રવી ઉઠ્યા હતા. ભરૂચમાં પાનોલીમાં આવેલ GIDCમાં ખાતર બનાવતી ‘મેસર્સ પુષ્પા જે. શાહ’ કંપનીમાં આ ઘટના બની હતી.

આ ઘટના બન્યા બાદ JCBનો ડ્રાઈવર પણ ભાગી ગયો હતો. આ ઘટનામાં જણાવવામાં આવી રહ્યું છે કે, કંપનીની બહાર ફક્ત 7 માસનાં બાળક ક્રિશને JCBએ અડફેટે લેતા જ તેનું મોત નિપજ્યું છે. આ અંગેની અંકલેશ્વર રૂરલ પોલીસ-મથકમાં ફરિયાદ નોંધવામાં આવી છે.

આ ઘટનાની મળતી માહિતી પ્રમાણે, ભરૂચના પાનોલી GIDCમાં JCBની નીચે કચડાઈ જવાથી માત્ર 7 માસના બાળકનું મોત નીપજ્યું છે. આ ઘટનામાં બીલવાડના રહેવાસી મુકેશભાઈ દીનાભાઈ મેસર્સ પુપ્ષા જે આ કંપનીમાં નોકરી કરી રહ્યાં છે. મુકેશભાઈને સંતાનમાં 1 દીકરી અને માત્ર 7 મહિનાનું બાળક છે. મુકેશભાઈની પત્ની પણ મેસર્સ કંપનીમાં મજૂરીનું કામ કરે છે. તેમનો પરિવાર કંપનીએ આપેલ એક ઓરડીમાં રહે છે. ત્યારે ગઈકાલે બપોરના સમયે તેનું બાળક મેદાનમાં રમતું હતું, ત્યારે જ કંપનીનું JCB મશીન માટેની માટી ભરવા માટે આવ્યું હતું.