November 24, 2024
મધ્યપ્રદેશ અકસ્માત(Madhya Pradesh accident): ભીંડ(bhind)ના ગૌરી સરોવર (તળાવ)માં એક ઝડપભેર કાર પડી હોવાનો વીડિયો સામે આવ્યો છે. કારમાં ત્રણ લોકો હતા. અકસ્માતમાં ડ્રાઈવરનું મોત નીપજ્યું હતું, જ્યારે એક યુવકનો આબાદ બચાવ થયો હતો અને અન્ય એક યુવક ગુમ છે. આ ઘટના સોમવારે રાત્રે 11.30 વાગ્યાની આસપાસ બની હતી. ઘટનાની જાણ થતાં જ પોલીસ ઘટનાસ્થળે પહોંચી હતી અને એસડીઆરએફની ટીમને બચાવ માટે બોલાવી હતી.
અકસ્માતનું કારણ ડ્રાઈવર નશામાં હોવાનું જણાવવામાં આવી રહ્યું છે. તેના મૃતદેહને પોસ્ટમોર્ટમ માટે હોસ્પિટલમાં લઈ જવામાં આવ્યો હતો. કાર જેલ રોડ થઈ ગૌરી સરોવર તાલાબ પાસે આવી હતી. થોડીવાર અહીં રોકાયા બાદ તે તેજ ગતિએ સીધી તળાવમાં પડી ગય હતી. અકસ્માત અંગે મુસાફરોએ પોલીસને જાણ કરી હતી.
પ્રત્યક્ષદર્શીઓના જણાવ્યા અનુસાર, સોમવારે રાત્રે લગભગ 11.30 વાગ્યે, એક ઝડપી કાર રસ્તા પર ચાલતી વખતે અચાનક ગૌરી સરોવરમાં પડી. તેનો વીડિયો નજીકમાં લગાવેલા સીસીટીવીમાં કેદ થયો હતો. આ કારમાં ત્રણ લોકો હતા, જેમાં એકનો બચાવ થયો હતો, જ્યારે ડ્રાઈવરનું મોત થયું હતું.
Trending News
પુરપાટ ઝડપે આવતી કાર તળાવમાં ખાબકી- જુઓ વિડીયો#speed #MP #news #watch #video #trishulnews pic.twitter.com/Ow0ZLoNb6P
— Trishul News (@TrishulNews) May 2, 2023
ઘટનાની જાણ થતાં ડીએસપી પૂનમ થાપા સહિતનો પોલીસ કાફલો ઘટના સ્થળે પહોંચી ગયો હતો. લગભગ 1.30 વાગ્યા સુધી બચાવ કામગીરી ચાલી હતી. ટીમે પહેલા કારમાં ફસાયેલા બે લોકોને બહાર કાઢ્યા હતા. ત્યારબાદ ક્રેનની મદદથી કારને બહાર કાઢવામાં આવી હતી.
મળતી માહિતી મુજબ, કાર નંબર MP 30 BC 0843 હાઉસિંગ કોલોની તરફ જઈ રહી હતી. કાર ચૌધરી પેટ્રોલ પંપની સામે રોકાઈ અને પછી ખૂબ જ ઝડપે તળાવમાં ગઈ. કારમાં સવાર એક મુસાફર રાહુલ દોહરા (22 વર્ષ)નું મોત થયું હતું. નીતુ દોહરાના પુત્ર કરણ સિંહ દોહરાની સાથે અન્ય યુવક પણ હતો.
ત્રીજા યુવક કપુરાનો હજુ સુધી કોઈ પત્તો લાગ્યો નથી. જણાવવામાં આવી રહ્યું છે કે પડ્યા બાદ તે ભાગી ગયો હતો. પોલીસ આ સમગ્ર મામલે નીતુ દોહરા સાથે વાત કરવા માંગતી હતી, પરંતુ તે નશાની હાલતમાં હોવાને કારણે સ્પષ્ટપણે કંઈપણ સમજાવી શકી ન હતી. પોલીસે મોડી રાત્રે વાહન માલિકને પોલીસ સ્ટેશને પણ બોલાવ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.