પુરપાટ ઝડપે આવી રહેલી બસે બાઈકને ટક્કર મારતા માં-દીકરીનું ઘટના સ્થળે જ કમકમાટી ભર્યું મોત, જાણો વિગતવાર

Bihar Accident: બિહારના કટિહારમાં એક બાઈક સવારને એક પુરપાટ સ્પીડેઆવતી(Bihar Accident) બસે કચડી નાખી હતી.આ અકસ્માતમાં બાઇક પર સવાર શિક્ષિકા અને તેની પુત્રીનું કચડાઇને મોત નિપજ્યું હોવાનું સામે આવ્યું છે. જયારે બાઇક સવારની હાલત ગંભીર હોવાનું સામે આવ્યું છે. ત્યારે તેને સારવાર માટે સદર હોસ્પિટલમાં દાખલ કરવામાં આવ્યો છે. ફરિયાદ મળતા જ પોલીસે સમગ્ર મામલાની તપાસ શરૂ કરી છે.

BPSC શિક્ષકનું માર્ગ અકસ્માતમાં મોત
પ્રાપ્ત માહિતી અનુસાર, ગુરુવારે કોડા બ્લોક વિસ્તારની અપગ્રેડ મિડલ સ્કૂલ મકાઈપુરમાં BPSC શિક્ષિકા નિધિ કુમારી તેની માસૂમ પુત્રી વેદાંશી (ઉંમર 2 વર્ષ) સાથે તેના મિત્ર શિક્ષક સૂરજ કુમાર સાથે બાઇક પર શાળાએ જઈ રહી હતી.આ દરમિયાન કોલાસી પુલ પાસે ગેડાબારીથી કટિહાર તરફ પુરપાટ ઝડપે આવતી બસ સાથેબાઇક અથડાઈ હતી. ત્યારે બે વાહનો વચ્ચેની ટક્કરમાં શિક્ષિકા નિધિ કુમારીનું ઘટનાસ્થળે જ મોત થયું હતું. જ્યારે બાઇક પર સવાર શિક્ષક સૂરજ કુમાર અને નિધિ કુમારીની માસૂમ પુત્રી વેદાંશીને ગંભીર ઇજા પહોંચી હતી.

એક માસૂમ બાળકીએ પણ સારવાર દરમિયાન જીવ ગુમાવ્યો હતો.
ઘટના અંગે સ્થાનિક લોકોએ તાત્કાલિક કોલસી પોલીસને જાણ કરી હતી. જે બાદ માહિતી મળતાની સાથે જ કોલાસી પોલીસ ઘટનાસ્થળે પહોંચી હતી અને બંને ઈજાગ્રસ્તોને સારવાર માટે મોકલી આપ્યા હતા. બંને ઈજાગ્રસ્તોને ઉચ્ચ કેન્દ્રમાં રીફર કરવામાં આવ્યા હતા. પોલીસે શિક્ષિકા નિધિ કુમારી (ઉંમર 32 વર્ષ)ના મૃતદેહને કબજામાં અને મૃતદેહને પોસ્ટમોર્ટમ માટે મોકલી આપ્યો હતો.ત્યારે શિક્ષકની માસુમ પુત્રીનું પણ સારવાર દરમિયાન મોત થયું હતું.

શિક્ષક બાઇક પર શાળાએ જઇ રહ્યા હતા.
આ ઘટના વિશે જણાવવામાં આવી રહ્યું છે કે શિક્ષિકા નિધિ કુમારી પોતાની બે વર્ષની દીકરી વેદાંશી ઉર્ફે હેપ્પી કુમારીને ખોળામાં લઈને તેના સાથી કોમ્પ્યુટર શિક્ષક સૂરજ કુમાર સાથે બાઇક પર અપગ્રેડેડ હાઈસ્કૂલ મકાઈપુર કોડા જઈ રહી હતી. કોલાસીની મકાઈપુર અપગ્રેડેડ હાઈસ્કૂલમાં શિક્ષક કોડા નોકરી કરતા હતા. ટીચર નિધિ કુમારી પટનાના કુરથોલ ગામની રહેવાસી હોવાનું કહેવાય છે. તેમનું મામાનું ઘર બિહારના ઔરંગાબાદમાં છે.