જ્યાં વોટ આપવો હોય ત્યાં આપજો, 8મીએ પરિણામ આવે પછી મારો વારો આવશે- ભાજપ ઉમેદવારે મતદારોને ધમકાવ્યા

ગુજરાત(Gujarat): રાજ્યની વિધાનસભા ચૂંટણી(Gujarat election 2022)નો પ્રથમ તબક્કાનું મતદાન પૂર્ણ થઈ ચૂક્યું છે. ગુજરાત વિધાનસભાની 89 બેઠકો માટે ગુરુવારના રોજ યોજાયેલા પ્રથમ તબક્કાના મતદાનમાં કુલ 61 ટકા મતદાન નોંધાય ચુક્યું છે. જયારે બીજા તબક્કાના મતદાનની ઘડીઓ ગણાઇ રહી છે, એવામાં શહેરા(Sahera) બેઠકના ભાજપ(BJP)ના ઉમેદવાર જેઠા ભરવાડ(Jetha bharvad)નો એક વિડીયો વાયરલ(Viral video) થયો છે. જેમાં તેઓ મતદારોને ધમકાવતા જોવા મળી રહ્યા છે. મહત્વનું છે કે, આ પ્રકારે મતદારોને કે લોકોને ધમકાવવા કેટલું યોગ્ય કહી શકાય?

જેઠા ભરવાડ મતદારોને ધમકાવતા જોવા મળ્યા:
પંચમહાલના શહેરાના ધારાસભ્ય અને ભાજપના ઉમેદવાર જેઠા ભરવાડનો એક વિડીયો વાયરલ થયો છે, જેમાં તેઓ મતદારોને ખુલ્લી ધમકી આપતા નજરે ચડી રહ્યા છે. જો વાત કરવામાં આવે તો શહેરા વિધાનસભા મતવિસ્તારના રતનપુર ગામમાં એક જાહેરસભા દરમિયાન ભાજપના ઉમેદવાર જેઠા ભરવાડે જણાવતા કહ્યું હતું કે, ‘બધાને કહું છું ગભરાતા નહીં, હું બેઠો છું ગભરાવાની જરૂર નથી. જેઠા ભરવાડ જીતેલા છે, તેમાં કોઈ શંકા નથી.’

જેઠા ભરવાડે મતદારોને ધમકાવતા કહ્યું હતું કે, ‘જેને જ્યાં મત આપવો હોય ત્યાં છૂટ છે, મને કોઈ વાંધો નથી. જેને જે ફેરવવું હોય એ ફેરવે મને કોઈ ફરક પડવાનો નથી. 8મીએ પરિણામ આવ્યા પછી મારો દિવસ આવશે. વધુમાં ઉમેર્યું હતું કે, 2027 સુધી જેઠા ભરવાડ ધારાસભ્ચ છે, જેને જ્યાં લખવું હોય ત્યાં લખી લે. 2027 પછી કોને ધારાસભ્ય બનાવવો એ પણ હું જ નક્કી કરીશ.’