જીત્યું ભાજપ પણ જીલ્લા પંચાયતના પ્રમુખ કોંગ્રેસના નેતાને બનાવવા પડશે- જાણો શા માટે થયું આવું?

ગુજરાતની સ્થાનિક સ્વરાજની ચૂંટણીના બીજા તબક્કાના મતદાનના પરિણામ આવી ચૂક્યા છે. નગરપાલિકા, તાલુકા અને જિલ્લા પંચાયતની ચૂંટણીના પરિણામ આવી ચૂક્યા છે. ત્રણેય જગ્યાઓએ ભાજપે જંગી જીત મેળવી છે. ત્યારે ભાજપને અમદાવાદમાં કડવો ઘૂંટ પીવાનો વારો આવ્યો છે.

જીતેલા બાજી પણ હારી હોય તેવો ઘાટ અમદાવાદ જિલ્લા પંચાયતની ચૂંટણીમાં થયો છે. અમદાવાદ જિલ્લા પંચાયતની 34 બેઠકમાંથી 30 બેઠક પર ભાજપે જીત મેળવી છે. પરંતુ કોંગ્રેસ તરફથી શાહપુર બેઠક પર જીતેલા ઉમેદવાર અમદાવાદ જિલ્લા પંચાયતના પ્રમુખ તરીકે નિમણૂક થશે. તેનું કારણ પણ ચોંકાવનારું છે. કોંગ્રેસ ભલે જિલ્લા પંચાયતમાં માત્ર ચાર બેઠક જીતી છે પરંતુ કોંગ્રેસ એક સભ્યનું પલડું ભારે થઇ ગયું છે. જીત ભલે ભાજપની થઇ છે પણ પ્રમુખ તો કોંગ્રેસના જ બનશે.

અમદાવાદ જિલ્લા પંચાયતમાં પ્રમુખ કોંગ્રેસ પાર્ટીના પ્રમુખ બનશે. કારણ કે અમદાવાદ જિલ્લા પંચાયતમાં પ્રમુખ પદ મહિલા એસટી પદનું છે. ભાજપના કોઈ એસટી મહિલા ઉમેદવાર જીત્યા નથી જેને કારણે કોંગ્રેસના પારૂબેન પ્રમુખ બનશે.  કોંગ્રેસ મહિલા ઉમેદવાર પારૂબહેન પઢાર ભાજપના ઉમેદવાર હરાવી ચૂંટણી જીત્યા છે. આથી અમદાવાદ જિલ્લા પંચાયતમાં ભાજપને ૩૪ માથી ૩૦ બેઠક મળી છે.

અમદાવાદ જીલ્લાની શાહપુર બેઠક પરથી પારુબેન અંબારામભાઇ પઢારને 9018 મત મળ્યા હતા. અમદાવાદ જિલ્લા પંચાયતની 34 બેઠકમાંથી 3 બેઠક બિન હરીફ થઇ હતી. 27 બેઠકો પર ભાજપનો વિજય થયો છે માત્ર ગલસાણાં, માણકોલ, શાહપુર અને વિરોચનનગર બેઠકમાં કોંગ્રેસની જીત થઈ છે. 2015ની ચૂંટણીમાં અમદાવાદ જિલ્લા પંચાયતની 34 બેઠકમાંથી 16 ભાજપને જ્યારે કોંગ્રેસને 17 બેઠક મળી હતી. એક બેઠક બિન હરીફ રહી હતી.