ગુજરાત ભાજપના નેતાઓને નાક કે કાન નથી- જુઓ કેવી રીતે પુત્રના લગ્નમાં માસ્ક વગર દેખાયા લોકો

હાલ ગુજરાતમાં વધતા કોરોનાના સંક્રમણ પર કાબૂ મેળવવા માટે રાજ્ય સરકારે જાહેર મેળાવડાઓ પર પ્રતિબંધ મૂકી દીધો છે તેમજ લગ્નપ્રસંગમાં પણ ફક્ત 50 લોકોની મંજૂરી આપવામા આવી છે. પરંતુ આ દરમિયાન અમરેલી જિલ્લામાં આ નિયમ જાણે ભાજપના નેતાને લાગુ ન પડતો હોય તેવું લાગી રહ્યું છે. હાલમાં એક વીડિયો વાઈરલ થઇ રહ્યો છે જેમાં ભાજપ નેતા અશ્વિન સાવલિયાના પુત્રના વરઘોડામાં સોશિયલ ડીસ્ટંસના ધજાગરા ઉડતા આ અંગે ઘણાં સવાલો ઉભા થયા છે.

 

View this post on Instagram

 

A post shared by Trishul News (@trishulnews)

અમરેલીની અમર ડેરીના અધ્યક્ષ અને ભાજપના આગેવાન અશ્વિન સાવલિયાના પુત્રના લાલાવદર ગામમાં લગ્ન હતા. આ પ્રસંગે યોજાયેલા વરઘોડામાં સોશિયલ ડીસ્ટંસના ધજાગરા ઉડ્યાનો એક વીડિયો હાલ સોશિયલ મીડિયામા વાઈરલ થઈ રહ્યો છે. ત્યારે આ વીડિયોને લઈ હવે અમરેલીની સામાન્ય જનતા પણ સવાલ ઉઠાવી રહી છે.

કોણ છે અશ્વિન સાવલિયા?
અશ્વિન સાવલિયા અમર ડેરીના અધ્યક્ષ છે. સહકારી આગેવાન દિલીપ સંઘાણી અને કેંદ્રીય મંત્રી પુરુષોત્તમ રૂપાલાના ખાસ નજીકના નેતા માનવામા આવે છે. તેઓ એક જવાબદાર આગેવાન હોવા છતા પોતાના પુત્રના લગ્નમાં નિયમોનો ભંગ થતા લોકો સોશિયલ મીડિયામાં રોષ ઠાલવી રહ્યા છે.