અજબ પ્રેમની ગજબ કહાની: પતિને તલાક આપી 60 વર્ષના સસરાને પરણી ગઈ પરણીતા

મોટા ભાગના લોકો જેમનું લગ્નજીવન સફળ ન હોય તેઓ પોતાને બીજી તક જરૂરથી આપે છે. એટલે કે, તેઓ ફરીથી લગ્ન કરીને ઘર વસાવે છે. હાલમાં એવો જ એક કિસ્સો સામે આવ્યો છે જેમાં એક 31 વર્ષની મહિલાએ પણ આવું જ કર્યું, પરંતુ તેણે કોઈ બીજા સાથે નહીં, પણ પોતાના સાવકા સસરાને જીવનસાથી બનાવ્યો. પોતાના પતિ લાથે ડિવોર્સ થઈ ગયા હતા, ત્યારબાદ તેણે તેના 60 વર્ષીય સાવકા સસરા સાથે લગ્ન કરીને બધાને આશ્ચર્યચકિત કરી દીધા.

મળતી માહિતી મુજબ, 19 વર્ષની ઉંમરમાં તેના એક સ્થાનિક ફેક્ટરીમાં કામ કરતા યુવક સાથે લગ્ન થયા હતા. બંનેને એક બાળક પણ હતું, પરંતુ પરસ્પર વિવાદને કારણે 2011થી સંબંધોમાં તિરાડ પડી ગઈ. આ દરમિયાન યુવતીએ સાવકા સસરાની નિકટ આવી. 2017માં જ્યારે તેના ડિવોર્સ થયા ત્યારે સાવકા સસરાએ મહિલા પાસે લગ્નનો પ્રસ્તાવ મૂક્યો. થોડા સમય સુધી એરિકાએ પ્રસ્તાવ સ્વીકાર્યો નહીં, પરંતુ થોડા સમય પછી તેણે હા પાડી.

બંનેની ઉંમરમાં 29 વર્ષનો તફાવત હોવા છતાં બંને આજે પતિ-પત્ની તરીકે પોતાનું જીવન પસાર કરી રહ્યાં છે. લગ્નના એક વર્ષની અંદર મહિલાએ એક પુત્રીને પણ જન્મ આપ્યો. હવે બંને બાળકો પોતાની માતાની સાથે રહે છે. તેના નિર્ણય અંગે ખુશી વ્યક્ત કરતાં મહિલાએ જણાવ્યું કે, જ્યારે મુશ્કેલ સમયે તેમણે મને ટેકો આપ્યો, ત્યારે મેં વિચાર્યું કે અમારી જોડી સારી રહેશે.

તેણે કહ્યું હતું કે, મારી ઉંમર તેના કરતાં વધારે દેખાય છે. યુવતીના પહેલા પતિએ પણ બીજા લગ્ન કરી લીધા છે અને બંનેની પાસે તેમના પહેલા પુત્રની કસ્ટડી પણ છે. આ બંને પરિવાર નજીકમાં જ અલગ અલગ ઘરોમાં રહે છે. મહિલાના પહેલા પતિએ કહ્યું હતું કે, અમારી વચ્ચે હવે બધું સારું છે. હવે અમારી વચ્ચે કોઈ જાતની નફરત નથી. અમે અમારા પુત્ર વિશે વાત કરીએ છીએ અને અમારા જીવનની સાથે આગળ વધી રહ્યા છીએ.