“મને મરવું છે મારો હાથ છોડી દો”, સુરતમાં તાપી નદીમાં મોતની છલાંગ લગાવવા આવેલ યુવકને લોકોએ બચાવી લીધો

હાલમાં આત્મહત્યાના વધતા કેસોમાં રાજ્યમાં અને ખાસ કરીને સુરત શહેરમાં છેલ્લા કેટલાય સમયથી એવો એક પણ દિવસ નથી આવ્યો કે, આત્મહત્યાનો બનાવ સામે ન આવ્યો હોય. આત્મહત્યાની ઘટના સતત વધી રહી છે. તેવામાં સુરત (Surat) શહેરમાં બ્રીજ પરથી તાપીમાં છલાંગ લગાવી વધુ એક યુવકે આત્મહત્યા કરવાનો પ્રયાસ કર્યો હતો.

છેલ્લા ઘણા સમયથી તાપી નદી પર સતત આપઘાત માટે લોકો જતા હોય છે ત્યારે આજ ફરી એક વખત આવી જ એક ઘટના સામે આવી છે. તાપી નદીમાં મોતની છલાંગ મારવા ગઈ એક યુવકને સ્થાનિક લોકોએ બચાવી લીધો હતો. સુરત શહેરમાં સમાચારમાં કામ કરતા ફોટો જર્નાલિસ્ટ રિતેશ પટેલે આત્મહત્યા કરનાર યુવકનો જીવ બચાવી લીધો હતો.

તે દિવસે રિતેશ પટેલ સુરત શહેરના ઓએનજીસી બ્રિજ પરથી પસાર થઈ રહ્યા હતા ત્યારે તેમણે પોતાની કારમાંથી જોયું કે એક યુવક પૂલપરથી આત્મહત્યા કરવાનો પ્રયાસ કરી રહ્યો હતો. તેમણે પોતાની ગાડી સાઇડ પર મૂકી અને બૂમાબૂમ કરી ને ત્યાંથી પસાર થતાં બીજા લોકો ને મદદ કરવાં બોલાવીયા અને રાહદારીઓ મદદ માટે પહોંચી ગયાં હતાં.

તે દરમિયાન ફોટો જર્નાલિસ્ટે સહેજ પણ હિમ્મત હાર્યા વગર આ આત્મહત્યા કરનાર યુવકનો બ્રિજ પર થી હાથ પકડી રાખ્યો હતો.અને તેને સતત 20 મિનિટ સુધી તેનો હાથ પકડી રાખ્યો હતો. તે વ્યક્તિ ‘મને છોડી મારે મરવું જ છે’ તેવું બોલતો રહેતો હતો.