ભારતીય જનતા પાર્ટીના આ દિગ્ગજ નેતાએ આશ્રમ-3ના શૂટિંગને લઈને આપ્યું મોટું નીવેદન- કહ્યું કે, સનાતન ધર્મ…

બોલિવૂડ(Bollywood)ના જાણીતા ફિલ્મમેકર પ્રકાશ ઝાની(Filmmaker Prakash Jha) વેબ સિરીઝ આશ્રમ-3(Web Series Ashram-3)ના શૂટિંગને લઈને ચાલી રહેલો વિવાદ હવે રાજકીય રંગ લઈ રહ્યો છે. મધ્યપ્રદેશ(Madhya Pradesh)ની રાજધાની ભોપાલ(Bhopal)માં ફિલ્મના શૂટિંગને લઈને ચાલી રહેલા હંગામા વચ્ચે સ્થાનિક બીજેપી સાંસદ સાધ્વી પ્રજ્ઞા સિંહ ઠાકુર(BJP MP Sadhvi Pragya Singh Thakur) પણ આક્રમક થઈ ગયા છે. સોમવારે મીડિયા સાથેની ચર્ચામાં સાધ્વીએ કહ્યું કે ‘ભારતમાં રહીને સનાતન ધર્મ સાથે રમત નહીં ચાલે’. સાધુ-સંતો ફિલ્મો જોતા નથી, પરંતુ હવે આ માટે અલગ વિભાગ બનાવવામાં આવશે. હવે કોઈપણ ફિલ્મ બનાવતા પહેલા આ વિભાગ તેની સ્ક્રિપ્ટ વાંચશે અને ત્યારબાદ જ ફિલ્મ બનાવવાની પરવાનગી આપવામાં આવશે.

સાધ્વી પ્રજ્ઞા આ મામલે સાંસદ સીએમ શિવરાજ સિંહ ચૌહાણને પત્ર પણ લખશે. પ્રજ્ઞા ઠાકુરે કહ્યું કે, તે આ અંગે સીએમ શિવરાજ સાથે પત્રવ્યવહાર કરશે. તે સીએમને પૂછશે કે વેબ સિરીઝ આશ્રમ-3ના શૂટિંગ માટે કેવી રીતે પરવાનગી આપવામાં આવી. શું આ પહેલા સ્ક્રિપ્ટ વાંચવામાં આવી હતી?

ધર્મને બદનામ કરવાનો પ્રયાસ:
વેબ સિરીઝ પર થયેલા હંગામા બાદ સાંસદ પ્રજ્ઞા ઠાકુરએ પણ ચેતવણી આપી છે. સાંસદ પ્રજ્ઞાએ કહ્યું કે, હિન્દુ સનાતન ધર્મની વ્યવસ્થા અને ધર્મને બદનામ કરવાના આવા પ્રયાસોને મંજૂરી આપવામાં આવશે નહીં. જો આવું થશે તો તેઓ તેમની સામે પોતાનો વિરોધ વ્યક્ત કરશે. આવા લોકો સામે કાયદેસરની કાર્યવાહી પણ કરવામાં આવશે.