ભાજપ પ્રમુખ જાહેર કાર્યક્રમમાં શું દારૂ પીને આવ્યા હતા?- જુઓ વિડીયોમાં કેવી રીતે લથડિયા ખાઈ રહ્યા છે

ગુજરાત(Gujarat): છોટાઉદેપુર(Chotaudepur) જિલ્લામાં ભારતના પહેલા રાષ્ટ્રપતિ(President Of India) તરીકે દ્રૌપદી મુર્મુ(Draupadi Murmu) જે આદિવાસી મહિલા છે. તે ચૂંટાઈ આવતા આ પ્રસંગને વધાવી લેવા માટે છોટાઉદેપુર જિલ્લામાં યોજાયેલા એક કાર્યક્રમમાં જિલ્લા પ્રભારી નિમિષાબેન સુથાર હાજર રહ્યા હતા. આ સાથે જિલ્લા ભાજપ પ્રમુખ રશ્મિકાંત વસાવા(Rashmikant Vasava) સહિત અનેક આગેવાનો આ પ્રસંગમાં ઉપસ્થિત રહ્યા હતા.

 

View this post on Instagram

 

A post shared by Trishul News (@trishulnews)

હાલમાં આ કાર્યક્રમનો વિડીયો સોશિયલ મીડિયા પર વાયરલ થયો હતો. આ પ્રસંગે હાજરી આપવા માટે જ્યારે પ્રભારી મંત્રી નિમિષાબેન સુથાર આવ્યા ત્યારે જિલ્લા ભાજપ પ્રમુખ રશ્મિકાંત વસાવા તેની પીઠ થપથપાવતા હોવાનું વિડીયોમાં દેખાઈ રહ્યું છે. વિડીયોમાં દેખાઈ રહ્યું છે કે, જિલ્લા ભાજપ પ્રમુખ ક્યારેક લથડિયું ખાતા તો સ્ટેજ ઉપર ઉંઘતા હોય એવું પણ આ વિડિયોમાં સ્પષ્ટ પણે દેખાઈ આવે છે.

અમે તમને જણાવી દઈએ કે, આ કાર્યક્રમમાં પ્રભારી મંત્રી પણ ઉપસ્થિત હતા, તે સમયે જિલ્લા ભાજપ પ્રમુખ રશ્મિકાંત વસાવા સ્ટેજ પર બેઠા હતા અને તેઓ નશો કરેલી હાલતમાં હોય તેવું સ્પષ્ટ પણે દેખાઈ રહ્યું છે અને જેણા કારણે તે લથડિયા ખાતા હોય તેવું વિડીયોમાં ચોખ્ખું દેખાય રહ્યું છે. ત્યારે આ વાતનો ખુલાસો જ્યારે ભાજપ પ્રમુખ રશ્મિકાંત વસાવા પાસે માંગવામાં આવ્યો તો તેના દ્વારા નકારી દેવામાં આવ્યો હતો.