નવમું ભણતી યુવતી પર પાશવી દુષ્કર્મ- જાણો કયાની છે ગોજારી ઘટના

મધ્યપ્રદેશમાં ક્રુરતાની ઘટનાઓ અટકવાનું નામ નથી લઈ રહી. સીંધીમાં આધેડ વૃદ્ધ મહિલા પર ચાર લોકોએ બળાત્કાર ગુજાર્યો. આ દરમિયાન ખંડવામાંથી હજી એક 14 વર્ષની કિશોરી પર બળાત્કાર અને હત્યાનો મામલો સામે આવ્યો છે.

ખાંડવા જિલ્લામાં એક દુકાનદાર દ્વારા 14 વર્ષીય સગીરા પર બળાત્કાર ગુજારવામાં આવ્યો હતો. આ દરમિયાન તપાસ કરતા તેનો મૃતદેહ તેની દુકાનની છત પરથી મળી આવ્યો હતો. ઘટના બાદ આરોપી દુકાનદાર ભાગી ગયો હતો. મળતી માહિતી મુજબ સોમવારે બપોરે સગીરા કરિયાણાની દુકાનમાં બિસ્કીટ ખરીદવા ગઈ હતી. બે કલાક વીતી ગયા પછી પણ તે ઘરે પરત ફરી ન હતી.

આરોપ છે કે, કરિયાણાની દુકાનદારે તેને લાલચ આપી અને પછી સગીરા બળાત્કાર ગુજાર્યો હતો. આ પછી તેનું ગળું દબાવીને હત્યા કરવામાં આવી હતી. કિશોરની શોધખોળ દરમિયાન પરિવારજનો ગામ લોકો સાથે દુકાન પર પહોંચ્યા ત્યારે દુકાનને તાળું મારેલું જોવા મળ્યું હતું.

ત્યારબાદ, જ્યારે દુકાનની આજુબાજુ સંશોધન દરમિયાન કેટલાક લોકોએ ટેરેસ પર તપાસ કરી ત્યારે દરેકના હોશ ઉડી ગયા હતા. સગીરાનો મૃતદેહ શંકાસ્પદ હાલતમાં એક ખૂણામાં પડ્યો હતો. ડેડબોડી જોઇને પરિવારની હાલત કફોડી થઈ ગઈ હતી અને તેઓ રડવા લાગ્યા હતા. મૃતક યુવતી 9મા વર્ગની વિદ્યાર્થીની હતી.