પંજાબમાં ખેડૂતોએ કંગના રણૌતના કાફલાને રોક્યો તો એક્ટ્રેસે માફી માંગતા કહી દીધું એવું કે… -જુઓ વિડીયો

અવારનવાર વિવાદોમાં રહેતી બોલીવુડ અભિનેત્રી કંગના રનૌત(Kangna Ranaut)ના કાફલાનો પંજાબ(Punjab)માં ઘેરાવ કરવામાં આવ્યો છે. મળતી માહિતી મુજબ, ખેડૂત વિરોધીઓએ કંગનાના કાફલાને રોકી દીધો અને તેની પાસે માફીની માંગ કરવા લાગ્યા. અભિનેત્રીએ કૃષિ કાયદા(Agricultural laws)ની વાપસી માટે આંદોલન કરી રહેલા ખેડૂતો વિરુદ્ધ નિવેદન આપ્યું હતું, જેને લઈને પંજાબના ખેડૂતો ખૂબ નારાજ છે.

Kangana Ranaut faced the anger of farmers of Punjab.
Shameless lady was still calling them a mob. She had to apologize and was let to leave. pic.twitter.com/j4l829XxrE

— Karanjot Singh Virk (@VirkKaranjot) December 3, 2021

કંગનાના નિવેદનથી ખેડૂતો ગુસ્સે છે:
કંગનાના કાફલાને રોકવાના કારણે ચંદીગઢ-ઉના હાઈવે પર લાંબો જામ થઈ ગયો હતો. ખેડૂતોએ કહ્યું કે કંગનાએ ખેડૂતોને ખાલિસ્તાની આતંકવાદી કહ્યા છે. અભિનેત્રીના કાફલાને શ્રી કિરતપુર સાહિબના બુંગા સાહિબ પાસે રોકવામાં આવ્યો હતો. અભિનેત્રીની સુરક્ષામાં લાગેલા સૈનિકોને ઘણો સંઘર્ષ કરવો પડ્યો અને અંતે જ્યારે કંગનાએ ખેડૂતોની માફી માંગી તો ખેડૂતોએ તેને જવા દીધી. કંગના રનૌત ફિલ્મના શૂટિંગ માટે ચંદીગઢ જઈ રહી હતી.

અભિનેત્રીને મોબ લિંચિંગનો ડર છે:
કંગનાએ પોતાની ઈન્સ્ટાગ્રામ પોસ્ટમાં આ ઘટનાનો ઉલ્લેખ કરતા કહ્યું કે, વિરોધીઓએ તેની કારને ઘેરી લીધી હતી, જેના કારણે તે લાંબા સમય સુધી જામમાં ફસાઈ ગઈ હતી. કંગનાએ કહ્યું કે હિમાચલ છોડ્યા પછી, હું પંજાબમાં પ્રવેશતા જ ટોળાએ મને ઘેરી લીધો અને પોતાને ખેડૂતો કહેનારા લોકોએ અપશબ્દો બોલવા લાગ્યા અને મારી નાખવાની ધમકી આપી.