ગઢડા જુના મંદિરના સાધુઓએ ભગવો લજવ્યો, 3 મહિલા પર દુષ્કર્મ કર્યું- નામ જાણીને ચોંકી જશો

સમગ્ર દેશમાં રેપની ઘટનાઓના વિરોધમાં ઉગ્ર દેખાવો થઇ રહ્યા છે. છતા બીજી તરફ મોટા પ્રમાણમાં રેપની ઘટનાઓ સામે આવી રહી છે. સમગ્ર ભારતમાં વાયુવેગે વધતી જતી બળાત્કારની ઘટનાના કારણે દેશ હવે એક શરમજનક સ્થિતિમાં મુકાયો છે. હવે તો બળાત્કારમાં નથી જોવાતી રાત કે નથી જોવાતો દિવસ. આવા બળાત્કારીઓ પોલીસના હાથે ઝડપાયા બાદ પણ કોર્ટમાં ચાલતી લાંબી પ્રક્રિયાના કારણે જામીન પર છૂટવામાં સફળતા મેળવી લે છે. એવી જ એક ઘટના ગુજરાતના ગઢડામાંથી સામે આવી છે.

ગઢડા સ્વામિનારાયણ મંદિર ફરી વિવાદમાં આવ્યું છે. ગુજરાતમાં વધુ એક સ્વામિનારાયણના સાધુઓ પર દુષ્કર્મનો સણસણતો આરોપ લગાવવામાં આવ્યો છે. બોટાદની ત્રણ મહિલાએ ગઢડા સ્વામીનારાયણ મંદિરનાં સાધુઓ પર દુષ્કર્મનો આરોપ લગાવતાં પોલીસ સ્ટેશનમાં આ મામલે ફરિયાદ નોંધાવી છે. વધુ એકવાર સ્વામિનારાયણ સાધુઓ દ્વારા દુષ્કર્મનો આરોપ લાગતાં સમગ્ર વિસ્તારમાં ચકચાર મચી જવા પામી છે. તો આ મામલે પોલીસે તપાસ શરૂ કરી દીધી છે.

ગઢડા સ્વામિનારાયણ મંદિરના ત્રણ સાધુઓ વિરુધ બોટાદમાં રહેતી ત્રણ મહિલાઓએ દામનગર પોલીસ સ્ટેશનમાં પોલીસ ફરિયાદ કરી છે. ફરિયાદમાં દુષ્કર્મનો આરોપ લગાવતાં મહિલાઓએ લાઠીના નારણનગર ગામના સાધુ અને ગઢડા જુના સ્વામિનારાયણ મંદિરનાં 2 સાધુઓ સામે ગુનો નોંધવામાં આવ્યો છે. પોલીસ સ્ટેસનમાં મહિલાઓએ જણાવ્યું કે, મજૂરી કામનાં બહાને નારણગઢ ખાતે સાધુઓ દ્વારા બળાત્કાર ગુજારવામાં આવ્યો હતો.