ફક્ત 10 દિવસોમાં અમદાવાદ બનશે બીજું ‘વુહાન’- કોરોનાથી સ્વસ્થ થઈને આવેલા નેતાનો દાવો

ગુજરાતમાં કોરોના વાયરસનો કહેર દિવસે દિવસે વધતો જોવા મળી રહ્યો છે. ગુજરાતમાં કોરોના વાયરસથી સૌથી વધારે પ્રભાવિત વિસ્તાર અમદાવાદ શહેર છે. ત્યારે કોંગ્રેસના ધારાસભ્ય ઈમરાન ખેડાવાલાએ જણાવ્યું છે કે, શહેરમાં કોરોનાનો ભયાનક વિસ્ફોટ સાથે અમદાવાદ વુહાન બનવાથી માત્ર 7 થી 10 દિવસ જ દૂર છે અને જો આ જ ટ્રેન્ડ ચાલશે તો અમદાવાદ શહેરમાં આગામી 7 થી 10 દિવસમાં રોજના 2700 થી 3000 કેસ આવવા લાગ્શે. ઇમરાન ખેડાવાલા પોતે કોરોનનો ભોગ બનેલા અને સદભાગ્યે સ્વસ્થ પણ થઇ ગયા હતા.

અમદાવાદ કોંગ્રેસના ધારાસભ્ય ઈમરાન ખેડાવાલાએ જણાવ્યું છે કે, શહેરમાં કોરોનાને લઈ હાલ ઘણી જ ખરાબ સ્થિતિ જોવા મળી રહી છે. લોકોને તાવ અને શરદી થાય છે, તો ડોક્ટર પાસે જતા ડરે છે અને તેમનો રિપોર્ટ કોરોના પોઝિટિવ આવવાનો તેમને ભય રહે છે. જેથી તેવા લોકોને ઈમરાન ખેડાવાલાએ અપીલ કરી છે કે, કોરોના સામે તમામ લોકોને એક થઈને લડવાનું છે અને કોરોનાથી કોઈ પણ માણસને ડરવાની જરુર નથી.

વધુમાં તેમણે જણાવ્યું હતું કે, અમદાવાદ શહેરની પરિસ્થિતિ ખરેખર ખુબ જ ભયાનક છે. પરંતુ મોટા ભાગના લોકો હજી પણ પરિસ્થિતિની ગંભીરતાને સમજ્યા વગર હળવાશમાં લઈને એમના જીવનની સૌથી મોટી બરબાદીને નોંતરી રહ્યા છે. ગુજરાતીઓનો સ્વભાવ છે કે જ્યાં સુધી તેમના પડોસમાં કે પરિવારના કોઈ સભ્યો ભોગ ના બને ત્યાં સુધી તેમણે કોઈ ફર્ક પડતો નથી.