November 24, 2024
Bride and groom died of heart attack on Suhagarat: ખૂબ જ ચોંકાવનારી ઘટના પ્રકાશમાં આવી છે. સુહાગરાત (Suhagarat) ની રાતે જ દુલ્હા અને દુલ્હનનું હાર્ટ એટેક (heart attack) થી મોત થઈ ગયું હતું. મળતી માહિતી અનુસાર ઉત્તર પ્રદેશ માંથી ધ્રુજાવી દેતી ઘટના પ્રકાશમાં આવી છે. અહીંયા બે પરિવારો લગ્નની ખુશીમાં મસ્ત હતા ત્યાં દુલ્હા-દુલ્હનનું એકસાથે મોત થતા બંને પરિવારમાં દુઃખની લાગણી છવાઈ ગઈ છે.
શું હતી ઘટના?
22 વર્ષીય યુવકના લગ્ન હતા. ધામધૂમથી જાન નીકળી અને 20 વર્ષીય યુવતીને વહુ તરીકે ઘરે લાવ્યા. સમગ્ર ઘરમાં ખુશીનો માહોલ છવાઈ ગયો હતો. પરંતુ કોને ખબર હતી કે, લગ્નની સુહાગરાત પતિ-પત્નીના જીવનની છેલ્લી રાત બનીને રહી જશે. નવદંપતી રૂમમાં તો ગયું પરંતુ વહેલી સવારે દરવાજો જ ન ખુલ્યો. વરરાજાના નાના ભાઈએ દરવાજો ખખડાવ્યો પરંતુ લાંબા સમય દરવાજો ન ખોલતા, બારીમાંથી રૂમમાં ગયો.
રૂમમાં પ્રવેશતા જ વરરાજાનો નાનો ભાઈ ચોંકી ઉઠે છે કારણ કે, તેની નજર સામે ભાઈ અને ભાભીના પડ્યા હતા. વરરાજાનો નાનો ભાઈ તરત જ દરવાજો ખોલે છે અને પરિવારના બીજા સભ્યો અંદર આવ્યા અને બંનેને ઉઠાડવાના પ્રયાસ કર્યો પરંતુ બંનેના શરીર ઠંડા પડી ગયા હતા. ત્યારબાદ જોત જોતામાં સમગ્ર ઘરમાં હાહાકાર મચી ગયો. ત્યારબાદ બંનેને હોસ્પિટલ લઈ જવામાં આવ્યા હતા, જ્યાં પોસ્ટમોર્ટમ કરતા મોતનું કારણ બહાર આવ્યું તે અત્યંત ચોંકાવનારું હતું.
Trending News
મોતનું કારણ સામે આવ્યું કે, બંનેને એક સાથે જ હાર્ટ એટેક આવી ગયો. તમને જાણીને નવાઈ લાગશે કે, એક જ સમયે બંનેને હાર્ટ એટેક કેવી રીતે? શું આ શક્ય છે? બંને સાથે આવું કેવી રીતે થયું? હાલ દરેક લોકો આ સમાચાર સામે આવતા ચોંકી ઉઠ્યા છે. આ ઘટના અંગે કાર્ડિયોલોજિસ્ટ ડોક્ટર અજય કૌલે આ તમામ પ્રશ્નોના જવાબ આપ્યા છે.
એક સાથે હાર્ટ એટેક શું કારણ હોઈ શકે?
ડો. અજય જણાવતા કહે છે કે, કોરોના પછી આ દરેક વસ્તુઓ સંપૂર્ણપણે બદલાઈ ગઈ છે. રોજબરોજ અનેક સમાચાર સામે આવી રહ્યા છે કે કારણે નાની ઉંમરના યુવાનો પણ હાર્ટ એટેકનો શિકાર થઈ રહ્યા છે. ડૉ. કૌલ કહે છે કે, આની પાછળ કોરોના મહામારી કેવી રીતે કારણ બની શકે છે, તે સમજવું પડશે. કોરોનાએ RNA વાયરસ છે. આવા વાઇરસને કારણે બ્લડ ક્લોટ અથવા બ્લૉકેજ થાય છે, જેના કારણે હ્રદયમાં લોહીનો પ્રવાહ અસાધારણ થઈ જાય છે જેના કારણે હાર્ટ એટેક આવે છે. આ ઘટના અત્યંત દુર્લભ છે. તેને જાતીય પ્રવૃત્તિ સાથે સંપૂર્ણપણે જોડી શકાતી નથી.
નાના શહેરોમાં સમાન જીવનશૈલી
ડો.કૌલે કહ્યું કે, આજકાલ માનસિક તણાવ કે ચિંતા ખૂબ જ સામાન્ય સમસ્યા બની ગઈ છે. આ ઉપરાંત, ઇન્ટરનેટની ઉપલબ્ધતા હવે દરેક ગ્રામીણ અને શહેરી વ્યક્તિ પાસે છે. આખી રાત જાગવું, મોબાઈલ પર સમય પસાર કરવો, તેના પર તણાવ, ફાસ્ટ ફૂડનું સેવન અને ઉંઘ ન આવવાને કારણે હૃદયના રોગો ઝડપથી વધી રહ્યા છે. ખરાબ જીવનશૈલી હવે માત્ર મોટા શહેરોનો ભાગ નથી રહી. આ તમામ કારણોને લીધે હાર્ટ એટેક કે હાર્ટ એટેકની શક્યતા વધી ગઈ છે.
ટાળવા માટે શું કરવું
આવી ઘટનાઓ વારંવાર લોકોને ડરાવે છે. પરંતુ, આપણે આપણા હૃદય વિશે ઘણી બાબતો જાણવી જોઈએ. ઉદાહરણ તરીકે, હૃદયને સ્વસ્થ રાખવા માટે, આપણે આપણી જીવનશૈલીને સંપૂર્ણપણે શિસ્તબદ્ધ અને આપણા નિયંત્રણમાં રાખવી પડશે. તમારા હૃદયને સ્વસ્થ રાખવા માટે તમે આ પદ્ધતિ અપનાવી શકો છો.
હૃદય માટે મનને સ્વસ્થ રાખોઃ હૃદયને સુરક્ષિત રાખવા માટે તમારે તમારા મનને તણાવમુક્ત રાખવું પડશે.
ખોરાકનું ધ્યાન રાખો: તમે ખોરાકમાં શું લઈ રહ્યા છો, તેની તમારા હૃદય પર કેવી અસર થઈ રહી છે, તે પણ સમજવું જોઈએ. તેલયુક્ત ખોરાક, વધુ ચરબીયુક્ત ખોરાક તમારા હૃદય પર બોજ બની જાય છે. એટલા માટે તમારે ખોરાકમાં લીલા શાકભાજી, વિટામિન-સીથી ભરપૂર ફળો વગેરે લેવા જોઈએ.
તમારા પગને કામ પર લગાવો: તમારા હૃદયને સ્વસ્થ રાખવા માટે, તમે તમારા પગને કામ પર લગાવો. સ્વસ્થ હૃદય માટે જરૂરી છે કે તમે તમારી જીવનશૈલીમાં વધુમાં વધુ ચાલવાને મહત્વ આપો. આ સિવાય સૌથી જરૂરી છે કે જો તમને કંઈપણ અસામાન્ય લાગે તો હાર્ટ ચેકઅપ કરાવો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.