દીકરાના જન્મની ખુશી માતમમાં ફેરવાઈ- એવું તો શું થયું કે, પિતાએ ત્રીજા માળેથી ઝંપલાવી જીવનનો અંત આણ્યો

Youth dies after jump 3rd floor, Madhya Pradesh: મધ્યપ્રદેશ (Madhya Pradesh) ના ખંડવામાં સોમવારે સવારે હોસ્પિટલના ત્રીજા માળે સૂઈ રહેલા યુવક પર મધમાખીઓએ હુમલો કર્યો હતો. તે ગભરાઈ ગયો અને ત્રીજા માળેથી નીચે કૂદી ગયો. માથામાં ગંભીર ઈજાના કારણે ઘટનાસ્થળે જ તેનું મોત નીપજ્યું હતું. તેને એક દુર્ભાગ્યપૂર્ણ ઘટના ગણાવીને જિલ્લા મુખ્ય આરોગ્ય અને તબીબી અધિકારીએ તપાસના આદેશ આપ્યા છે. આ સાથે મધમાખીને દૂર કરવાનું કહેવામાં આવ્યું છે.

અહીં મેડિકલ કોલેજના ડીને રાત્રિના CCTV ફૂટેજ જોયા બાદ મધમાખીઓના હુમલાની વાતને સ્પષ્ટપણે નકારી કાઢી છે. રાત્રે મૃતક અને પરિવારના સભ્યો વચ્ચેના ઝઘડાના દ્રશ્યો પણ સામે આવ્યા છે. જેના આધારે આ કેસમાં આત્મહત્યાની શક્યતા વ્યક્ત કરવામાં આવી રહી છે. જો કે સમગ્ર મામલો શંકાસ્પદ જણાવવામાં આવી રહ્યો છે.

પત્નીએ રવિવારે પુત્રને જન્મ આપ્યો

મળતી માહિતી મુજબ રામપુરા ગામનો રહેવાસી સચિન પોતાની ગર્ભવતી પત્નીની ડિલિવરી માટે જિલ્લા હોસ્પિટલમાં આવ્યો હતો. રવિવારે તેની પત્નીએ પુત્રને જન્મ આપ્યો હતો. રાત્રે યુવક હોસ્પિટલના ત્રીજા માળના વરંડામાં સૂતો હતો. આ દરમિયાન અચાનક તેને કંઈક કરડ્યુ.

કહેવામાં આવી રહ્યું છે કે આ પછી તે અચાનક ગભરાઈને ત્રીજા માળેથી નીચે કૂદી ગયો. પરિજનોએ યુવકના મોત માટે હોસ્પિટલ મેનેજમેન્ટને જવાબદાર ગણાવ્યું છે. તેમણે કહ્યું કે જો હોસ્પિટલના મધપૂડાને સમયસર હટાવવામાં આવ્યા હોત તો આ દુર્ઘટના સર્જાઈ ન હોત.