સુરતમાં સરથાણા વિસ્તારમાં બેફામ સ્પીડે જતો ટ્રક દિવાલ તોડી ઘરમાં ઘુસી ગયો – જુઓ વિડીયો

અવારનવાર માર્ગ અકસ્માતની ઘટનાઓ રાજ્યમાંથી સામે આવતી હોય છે. અનેકવાર પોતાના સ્વજનો ગુમાવવાથી પરિવાર પણ જાણે આભ તૂટી પડતું હોય છે તેમજ સમગ્ર પરિવારમાં શોકનો માહોલ ફરી વળતો હોય છે. વાર-તહેવાર પર ટ્રાફિકજામ તથા ભીડને કારણે માર્ગ પર અકસ્માતની ઘટના સર્જાતી હોય છે.

રાજ્યના સુરત શહેરમાં સરથાણા વિસ્તારમાં બેફામ સ્પીડે હંકારીને જતો ટ્રક દિવાલ તોડીને એક મકાનમાં ઘૂસી ગયો હતો. ઘડાકાભેર ટ્રક મકાનમાં ઘૂસી જતા લોકોનાં ટોળેટોળા એકત્ર થઈ ગયા હતા. જો કે, સદનસીબે ઘટનામાં કોઈ જાનહાનિ નોંધાઈ ન હતી તેમજ ટ્રકના ડ્રાઈવરને પોલીસ સ્ટેશનમાં લઈ જવામાં આવ્યો હતો.

ડ્રાઈવરે સ્ટિયરીંગ પરથી કાબૂ ગુમાવી દીધો:
સરથાણા વિસ્તારમાં પોલીસ સ્ટેશન પાસે આજે એક ટ્રક (GJ-05-BV-8957) રેતી તથા કપસી ભરીને પસાર થઈ રહ્યો હતો. આ દરમિયાન ડ્રાઈવરે સ્ટિયરીંગ પરથી કાબૂ ગુમાવ્યો હતો. ત્યારપપછી સરથાણા પોલીસ સ્ટેશન પાસેમાં આવેલ એક મકાનમાં દિવાલ તોડીને અંદર ઘૂસી ગયો હતો.