સુરતમાં BRTS બસે પાલ RTO પાસે ગર્ભવતી મહિલાને અડફેટે લીધી

પાલ આરટીઓ પાસે બીઆરટીએસ બસ ચાલકે અનિતા સરવૈયા નામની સગર્ભા મહિલાને અડફેટે લેતા તે ઈજાગ્રસ્ત થઈ હતી અને બસ સાથે ભાગતા બસ ડ્રાઇવર ને લોકોએ પકડી પાડ્યો હતો. બીઆરટીએસ બસના અકસ્માતના પગલે લોકોમાં રોષ જોવા મળી રહ્યો છે. આ અકસ્માતની ઘટનાને લઈને પોલીસે તપાસ હાથ ધરી છે.

મુખ્ય તસ્વીર સાંકેતિક છે.

સગર્ભાને બંને પગ પર ઈજાઓ પહોંચી છે

મૂળ ભાવનગરના રહેવાસી અને સુરતમાં પાલ આરટીઓ નજીક નવનિર્મિત બ્રિજ પર અનિતા અર્જુન સરવૈયા પરિવાર સાથે રહે છે અને પાલ આરટીઓ નજીક જ રમકડા વેચી પરિવારને આર્થિક રીતે મદદરૂપ થાય છે. અનિતાને સાત માસનો ગર્ભ છે. આજે સવારે 8 વાગ્યાના અરસામાં પાલ આરટીઓ નજીક બીઆરટીએસ બસના ચાલકે અડફેટે લીધી હતી. જેથી તેને બંને પગ પર ગંભીર રીતે ઈજાગ્રસ્ત થઈ હતી. મહિલાને અડેફેટે લેતા પરિવારજનો ત્યાં દોડી આવ્યા હતા. જોકે, ઇજાગ્રસ્ત મહિલાના પરિવારને બસ ડ્રાઇવરે બસમાંથી જ લાત મારી ધમકી આપતા ભારે હોબાળો થયો હતો. ત્યારબાદ બસ ડ્રાઈવર બસ લઈને ભાગવાનો પ્રયાસ કરતા ડ્રાઈવરને ઝડપી પાડ્યો હતો.