નવા વર્ષે PM મોદીનું ખેડૂતો પર છે ખાસ ધ્યાન! આ રીતે ખેડૂતોને થઇ શકે છે બમણો લાભ

કૃષિ ક્ષેત્રને પ્રોત્સાહન આપવા માટે સરકાર આ વર્ષના બજેટમાં કૃષિ ધિરાણનો લક્ષ્યાંક વધારીને રૂ. 18 લાખ કરોડ કરી શકે છે. સૂત્રોના જણાવ્યા અનુસાર બજેટ 2022-2023નું બજેટ 1 ફેબ્રુઆરીએ યોજાવા જઈ રહ્યું છે અને સરકાર કૃષિ ક્ષેત્રને લોન આપવાનો લક્ષ્યાંક વધારીને 18 લાખ કરોડ રૂપિયા કરી શકે છે.

ચાલુ નાણાકીય વર્ષમાં સરકારે કૃષિ ધિરાણ માટે રૂ. 16.5 લાખ કરોડનો લક્ષ્યાંક રાખ્યો છે અને આગામી વર્ષના બજેટમાં તેમાં રૂ. 1.5 લાખ કરોડનો વધારો કરવાનો નિર્ણય કર્યો છે. સૂત્રોએ જણાવ્યું કે સરકારે દર વર્ષે કૃષિ ધિરાણનો લક્ષ્યાંક વધાર્યો છે અને આ વર્ષે પણ તેને વધારવાનો નિર્ણય કર્યો છે. નાણાકીય વર્ષ 2022-23 માટે, સરકારે કૃષિ ધિરાણનો લક્ષ્યાંક વધારીને ₹18.5 લાખ કરોડ કરવાનો નિર્ણય લીધો છે.

સરકાર દર વર્ષે નક્કી કરે છે કૃષિ ધિરાણનો લક્ષ્યાંક  
જોકે આખરી આંકડો જાન્યુઆરીના અંતિમ સપ્તાહમાં નક્કી થશે. સરકાર વાર્ષિક કૃષિ ધિરાણ લક્ષ્યાંક નક્કી કરે છે. તેમાં પાક લોનના લક્ષ્યનો પણ સમાવેશ થાય છે જે બેંક ખેડૂતોને પાક માટે આપે છે. છેલ્લા કેટલાક વર્ષોથી ફાર્મ ક્રેડિટ સતત તેના લક્ષ્યાંક કરતાં વધી ગઈ છે.

જાણો પાછલા નાણાકીય વર્ષોમાં કેવું હતું લક્ષ્ય
2017-18માં કૃષિ ધિરાણનો લક્ષ્યાંક 10 લાખ કરોડ રૂપિયા હતો, પરંતુ કુલ ખર્ચ 11.68 લાખ કરોડ રૂપિયા થયો હતો. તેવી જ રીતે, નાણાકીય વર્ષ 2016-17માં રૂ. 9 લાખ કરોડના નિર્ધારિત લક્ષ્યાંક સામે રૂ. 10.77 લાખ કરોડની પાક લોનનું વિતરણ કરવામાં આવ્યું હતું. સામાન્ય રીતે, ફાર્મ લોન પર 9%ના દરે વ્યાજ મળે છે. જોકે, સરકાર ખેડૂતોને ટૂંકા ગાળાની લોન પર વ્યાજમાં છૂટ આપે છે. સરકાર 3 લાખ રૂપિયા સુધીની લોન પર 2% વ્યાજ સબસિડી આપે છે. એટલે કે, ખેડૂતોને 7% વ્યાજ પર કૃષિ લોન મળે છે.