એક્સપ્રેસ હાઈવે પર મુસાફરોથી ભરેલ બસ કન્ટેનરમાં ઘુસી જતાં એકસાથે આટલા લોકોના થયા કરુણ મોત

શિયાળાની ઋતુમાં ધુમ્મસને લીધે વાહન ચાલકને આગળનું વાહન ન દેખાતું હોવાને લીધે ઘણીવાર અકસ્માતની ઘટનાઓ બનતી હોય છે ત્યારે ધુમ્મસને લીધે અવારનવાર માર્ગ અકસ્માત સર્જાતાં રહેતાં હોય છે. હાલમાં આવી જ એક અકસ્માતની ઘટના ઉત્તરપ્રદેશમાંથી સામે આવી રહી છે. જેમાં માર્ગ પર મુસાફરને લઇને જઈ રહેલ લક્ઝરી બસ ચાલકને ઉભેલુ કન્ટેનર ન દેખાતા બસ કન્ટેનરના પાછળના ભાગ પર ઘૂસી ગઈ હતી.

અકસ્માતની આ દુર્ઘટનામાં કુલ 7 લોકો ઈજાગ્રસ્ત થયા છે જયારે કુલ 4 લોકોના મોત નીપજ્યા છે. ઉત્તરપ્રદેશમાં આવેલ ઉન્નાવ જિલ્લામાં નવા વર્ષના પ્રથમ દિવસે લખનૌ-આગ્રા એક્સપ્રેસ-વે પર સવારમાં માર્ગ ધુમ્મસ છવાયેલો જોવા મળ્યો હતો.

ધુમ્મસને લીધે વિઝીબ્લિટી ખુબ ઓછી થઇ ગઈ હતી. જ્યારે આ એક ડબલ ડેકર બસ લખનૌ-આગ્ર એક્સપ્રેસ-વે પર અરરિયા બિહારથી દિલ્હી તરફ જઈ રહી હતી. બસના ડ્રાઈવરને ધુમ્સ્સને લીધે કન્ટેનર ન દેખાતાં બસ એકાએક કન્ટેનરના પાછળના ભાગમાં ઘૂસી ગઈ હતી. અકસ્માત એટલો ભયંકર હતો કે, બસના આગળના ભાગનો કચ્ચરઘાણ નીકળી ગયો હતો.

કેટલાક લોકો બસમાં ફસાયેલ લોકોની મદદ કરવા માટે પહોંચી ગયાં હતા. બસમાં કુલ 75 જેટલા મુસાફર સવાર હતા. આ ઘટનામાં કુલ 4 લોકોને ગંભીર ઈજા પહોંચતા ઘટનાસ્થળે મોત નિપજ્યા હતા. આની સાથે જ કુલ 7 જેટલા લોકોને ગંભીર ઈજા પહોંચી હતી. અકસ્માત સર્જાયા પછી બસમાં રહેલા લોકો પોતાનો જીવ બચાવવા માટે બસના કાચ તોડીને બહાર આવ્યાં હતા.