મોદી સરકાર કરી રહી છે બીજી નોટબંધી- જાણો કોણે કહ્યું આવું

કોંગ્રેસના પૂર્વ અધ્યક્ષ રાહુલ ગાંધીએ શનિવારે આરોપ લગાવ્યો હતો કે, કેન્દ્રની મોદી સરકાર કોરોના વાયરસ સંકટ દરમિયાન લોકોને અને અતિ નાના, નાના અને મધ્યમ ઉદ્યોગોને રોકડ સહાય ન આપીને અર્થવ્યવસ્થાને બગાડે છે. તેમણે એમ પણ દાવો કર્યો હતો કે, સરકારનું વલણ નોટબંધી 2.0 જેવું છે.

પોતાના સત્તાવાર ટ્વિટર એકાઉન્ટ પર એક સમાચાર શેર કરતા રાહુલ ગાંધીએ ટ્વિટ કર્યું છે કે, સરકાર લોકો અને અતિ નાના, નાના અને મધ્યમ ઉદ્યોગોને રોકડ સહાયતા આપવાનો ઇનકાર કરીને સક્રિયપણે આપણા અર્થતંત્રને નષ્ટ કરી રહી છે. આ નોટબંધી 2.0 છે.

Govt is actively destroying our economy by refusing to give cash support to people and MSMEs.

This is Demon 2.0.https://t.co/mWs1e0g3up

— Rahul Gandhi (@RahulGandhi) June 6, 2020

નોંધપાત્ર વાત એ છે કે, છેલ્લા ઘણા અઠવાડિયાથી રાહુલ ગાંધી મોદી સરકાર પાસેથી માંગ કરી રહ્યા છે કે, ગરીબ, મજૂર અને અતિ નાના, નાના અને મધ્યમ ઉદ્યોગોને આર્થિક સહાય આપવામાં આવે. તેમનું કહેવું છે કે, લોકોએ છ મહિના માટે સીધા તેમના બેંક ખાતામાં દર મહિને 7500 રૂપિયાની રોકડ રકમ ખાતાઓમાં મૂકવી જોઈએ અને તરત જ 10,000 રૂપિયાની આર્થિક સહાય આપવી જોઈએ.