આ કંપનીના માલિકે એવું તો શું કર્યું કે, તમામ કર્મચારીઓ રાતોરાત બની ગયાં કરોડપતિ

માલિક તો એવો હોવો જોઈએ કે, જે પોતાના ફાયદાની સાથે પોતાના કર્મચારીઓના ફાયદા માટે પણ વિચાર કરે. બ્રિટનના એક ઉદ્યોગપતિએ પોતાની કંપનીના પ્રોફિટ શેયર્સને પોતાના કર્મચારીઓમાં વહેંચી દીધા હોવાથી એમની કંપનીના મોટાભાગના કર્મચારીઓ કરોડપતિ બની ગયા છે. બિઝનેસમેને આ ત્યારે કર્યું કે, જયારે કંપનીના શેયર્સ ઝડપથી ઉપર ગયા તેમજ કંપનીને ખુબ ફાયદો થયો.

આ કંપનીનું નામ છે ‘ધ હટ ગૃપ’. તેના મલિક છે મેથ્યુ મોલ્ડિંગ. મેથ્યુએ પોતાની કંપનીના નફામાંથી કંપનીના કર્મચારીઓમાં કુલ 830 મિલિયન પાઉન્ડ એટલે કે, અંદાજે 8,183 કરોડ રૂપિયાના શેરનું વિતરણ કર્યું હતું. તેણે બાય બેક સ્કીમ ચલાવી હતી. તે તમામ કર્મચારીઓ માટે એક ઓપન સ્કીમ હતી.

આ સ્કીમનો લાભ એવા કર્મચારીઓને પણ મળ્યો હતો કે, જેમણે કદી વિચાર્યું પણ ન હતું. કર્મચારીઓની પસંદગી એમના મેનેજરો દ્વારા કરવામાં આવી હતી તેમજ યાદી મેથ્યુને આપવામાં આવી હતી. આ યોજનાનો લાભ કંપનીના ડ્રાઇવરોથી લઈને મેથ્યુના અંગત સહાયકને પણ મળ્યો છે. મેથ્યુના અંગત મદદનીશ જણાવતાં કહે છે કે, એને એટલી રકમ મળી છે કે તે માત્ર 36 વર્ષની વયમાં નિવૃત્તિ લઈ શકે છે.

મેથ્યુ મોલ્ડિંગે જણાવ્યું હતું કે, હું સૌને પોતાની તેમજ કંપનીનો નફો વહેંચવા માંગતો હતો. એટલે જ આ સ્કીમ મૂકી હતી. દરેક લોકોને અઢળક પૈસા મળ્યા છે. આવાં સમયે કેટલાંક લોકો વેપાર સામે કઈંક ને કઈંક કહી રહ્યા હતા, પણ મને વિશ્વાસ હતો કે, શેયર્સ ઉપર જશે. કોઈપણ પરેકટ હોતું નથી પણ આપણે તમામ લોકો ચોક્કસપણે નફો અને પૈસામાં ભાગ ઇચ્છીએ છીએ.