લોકડાઉનમાં પોલીસની કામગીરી જોવા નીકળ્યા કલેકટર- લેડી કોન્સ્ટેબલે રોકીને કરી એવી કાર્યવાહી કે ચોંકી જશો

વસ્ત્રનગરી તરીકે જાણીતા ભિલવાડામાં કોરોનાથી બચાવ માટે લાગુ કરાયેલ લોકડાઉનનો તાગ મેળવવા માટે, જિલ્લા કલેકટર, જે સરકારી સિક્યુરીટી કે ગાડી વગર સાયકલમાંથી બહાર નીકળ્યા હતા, તેમને એક મહિલા કોન્સ્ટેબલે રસ્તામાં અટકાવ્યા હતા. કોન્સ્ટેબલે સાયકલ સવાર કલેક્ટરને પૂછ્યું કે તમે ક્યાં જઇ રહ્યા છો? પરિસ્થિતિ જાણતા કોન્સ્ટેબલ થોડી ગભરાઈ ગઈ, પરંતુ કલેકટરે કોન્સ્ટેબલની કામગીરીની શૈલીની પ્રશંસા કરી અને કહ્યું, “ખૂબ સરસ, આ રીતે સજાગ બનો.”

હકીકતમાં, મંગળવારે, જિલ્લા કલેકટર શિવપ્રસાદ એમ નકટે શહેરમાં લોકડાઉનનો તાગ મેળવવા માટે સવારે એક સાયકલ ઉપર નીકળ્યા હતા. જોકે શહેરમાં કલેકટર ફરવા નીકળ્યા હોવાની પોલીસને બાતમી મળી હતી, પરંતુ તે સાયકલ ઉપર ફરતા હતા તેની જાણ નહોતી. આ સમયગાળા દરમિયાન ગુલમંડી વિસ્તારમાં ફરજ બજાવતી મહિલા પોલીસ કર્મીઓ, નિર્મલા સ્વામી ટી-શર્ટ પહેરીને આવેલા કલેક્ટરને ઓળખી ન શકતાં તેઓએ તેને અટકાવી દીધી હતી. કલેક્ટર ત્યાં રોકાઈ ગયા. નીચે જુઓ વિડીયો:

કલેકટરે કહ્યું – હું ડી.એમ.
કોન્સ્ટેબલે કલેક્ટર નાકાટેને પૂછ્યું, તમે ક્યાં જાવ છો, ઘરે જ રહો ભાઈ. તે દરમિયાન કલેક્ટરની પાછળ આવતા ગનમેને ધીરેથી કહ્યું, મેડમ, જેને રોકી રહ્યા છો એ સર છે. તે દરમિયાન, જિલ્લા કલેકટરે કહ્યું, હું ડીએમ છું. કોન્સ્ટેબલ આ સાંભળી ચોકી ગયા, પરંતુ કલેકટર નાકાટે લેડી કોન્સ્ટેબલની આ વર્તણૂક ખૂબ જ સામાન્ય રીતે લીધી, તેમની સજાગતાની પ્રશંસા કરી. તે પછી, કલેક્ટર વિવિધ પોઇન્ટથી પસાર થઈને પોલીસ કર્મચારીઓને મળ્યા.