November 30, 2024
બંગાળ સહિત ચાર રાજ્યો અને એક કેન્દ્ર શાસિત પ્રદેશની વિધાનસભાની ચૂંટણીની ઘોષણા થઈ ગઈ છે અને હવે 2 મેની રાહ જોવાઇ રહી છે કારણ કે આ દિવસે મતગણતરી થશે. સી-વોટર ઓપિનિયન પોલ દ્વારા, તે જાણવાનો પ્રયાસ કરવામાં આવ્યો કે બંગાળ, આસામ, કેરળ, તામિલનાડુ અને પુડુચેરીમાં કોની સરકાર જોવા મળી રહી છે. જો કે, ચૂંટણીની તારીખોની ઘોષણા સાથે આચારસંહિતા પણ અમલમાં આવી છે અને રાજકીય પક્ષો મતદારોને લલચાવવાના પ્રયાસ કરી રહ્યા છે.
2 મે મી તારીખ હજી આવવાનો સમય બાકી છે, પરંતુ મળતી માહિતી અનુસાર જાણવા મળ્યું છે કે, બંગાળ, આસામ, કેરળ, તામિલનાડુ અને પુડુચેરીમાં કોણ સરકાર બનાવવાની સંભાવના છે. આ અંગે એક સર્વે કરવામાં આવ્યો છે. ઓપિનિયન પોલ્સ દ્વારા, અમે જાણવાનો પ્રયાસ કરીએ છીએ કે ભારતીય જનતા પાર્ટી, કોંગ્રેસ, તૃણમૂલ કોંગ્રેસ અને અન્ય ઘણા પક્ષો માટે કેટલી સંભાવના છે.
પુડ્ડુચેરીમાં એનડીએની સત્તા!
પુડુચેરી વિશેની પ્રથમ વાત કરીએ તો, ઓપિનિયન પોલ મુજબ 30 બેઠકોની પુડ્ડુચેરી વિધાનસભામાં ભાજપના નેતૃત્વ હેઠળના એનડીએને 46 ટકા મત મળે તેવી સંભાવના છે, જ્યારે કોંગ્રેસને 36 ટકા મત મળી શકે છે. આ રીતે, બેઠકના આધારે, એનડીએને 17 થી 21 બેઠકો અને કોંગ્રેસના ગઠબંધનને 8 થી 12 બેઠકો મળવાની ધારણા કરવામાં આવી છે.
Trending News
કેરળમાં ફરી વામ મોરચાની સરકાર!
ઓપિનિયન પોલ દ્વારા હવે આપણે કેરળ વિધાનસભામાં દરેક પાર્ટીઓની કેટલી સંભાવના છે એ જાણવાનો પ્રયાસ કરીએ. કેરળમાં સીપીઆઈ (એમ)ની આગેવાની લેફ્ટ ડેમોક્રેટિક ફ્રન્ટ (એલડીએફ)ને આ વખતે 83-91 બેઠકો મળવાની સંભાવના છે અને કોંગ્રેસની આગેવાનીવાળી યુનાઇટેડ ડેમોક્રેટિક ફ્રન્ટ (યુડીએફ)ને 47 થી 55 બેઠકો પર જ સંતોષ માનવો પડશે. તે જ સમયે, 0 થી 2 બેઠકો ભાજપના ખાતામાં જઈ શકે છે. મત ટકાવારીના આધારે એલડીએફને 40 ટકા અને યુડીએફને 33 ટકા મત મળી શકે છે. ભાજપને 13 ટકા મતો મળવાનો અંદાજ છે.
હવે વાત તામિલનાડુની
ઓપિનિયન પોલ મુજબ, એઆઈએડીએમકે ગઠબંધન તમિળનાડુમાં 29 ટકા મતો મેળવી શકે છે અને ડીએમકે ગઠબંધનને આશરે 41 ટકા મત મળે તેવી સંભાવના છે. અન્યને આશરે 30 ટકા મત મળી શકે છે. બેઠકોના આધારે તમિલનાડુમાં એઆઈએડીએમકે ગઠબંધનને 58 થી 66 બેઠકો મળી રહી છે અને ડીએમકે ગઠબંધન આ વખતે સત્તા પરત ફરી રહ્યું છે. ડીએમકે ગઠબંધનને 154 થી 162 બેઠકો મળવાનો અંદાજ છે. જ્યારે અન્યના ખાતામાં માત્ર 8 બેઠકો જ જઈ શકે છે.
શું આસામમાં ફરી ભાજપ સરકાર બનશે?
ઓપિનિયન પોલ મુજબ, જો આસામમાં ભાજપને 42% મતો મળતા જોવામાં આવે તો કોંગ્રેસ જોડાણમાં 31% વોટ મળી શકે છે. અન્યને 27 ટકા મત મળે તેવી સંભાવના છે. મતદાન મુજબ, 126-સદસ્યોની વિધાનસભામાં, ભાજપ જોડાણને 68 થી 76 બેઠકો મળવાની ધારણા છે, તો કોંગ્રેસના ગઠબંધનને ફક્ત 43 થી 51 બેઠકો મળી શકે છે. આસામને વિધાનસભા માટે 126 અને ગૃહમાં બહુમતી માટે 64 બેઠકોની જરૂર છે.
બંગાળ અંગેના ઓપિનિયન પોલમાં શું છે?
હવે પશ્ચિમ બંગાળ વિશે વાત કરીએ. બેઠકોના આધારે વાત કરવામાં આવે તો મમતા બેનર્જીની આગેવાનીવાળી ટીએમસી ફરી એકવાર રાજ્ય સત્તા પર પાછા ફરતા દેખાઈ રહ્યા છે. ઓપિનિયન પોલ મુજબ ટીએમસીને 148-164 બેઠકો મળી શકે છે, જ્યારે 200 પારનો રણકાર કરતી ભારતીય જનતા પાર્ટી (ભાજપ)ને 92 થી 108 બેઠકોથી સંતોષ માનવો પડી શકે છે. સર્વે અનુસાર 31-39 બેઠકો કોંગ્રેસ અને અન્યના ખાતામાં જઈ શકે છે.
બંગાળની કુલ 294 વિધાનસભા બેઠકો પર મત ટકાવારીને આધારે ટીએમસીને 43% અને ભાજપને 38% મત મળી શકે છે. તો તે જ સમયે, કોંગ્રેસ-ડાબેરી જોડાણને ફક્ત 13% વોટ મળવાની અપેક્ષા છે. જ્યારે બંગાળમાં 2016ની વિધાનસભાની ચૂંટણીમાં ટીએમસીએ 211, કોંગ્રેસ-ડાબે 76, ભાજપને 3 અને અન્યને 2 બેઠકો મળી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle