November 28, 2024
દુબઇમાં યોજવામાં આવેલા વર્લ્ડ એક્સ્પો- 2021માં ભાગ લેવા માટે ગુજરાત રાજ્ય સરકારે તૈયારીઓ ચાલુ કરી દીધી છે. આ એક્સ્પોમાં ગુજરાત રાજ્યનાં મુખ્યમંત્રી વિજય રૂપાણી, બીજા કેબિનેટ મંત્રીઓ, ઉચ્ચ અધિકારીઓ અને રાજ્યનાં ઉદ્યોગજૂથનાં પ્રતિનિધિઓ હિસ્સો લેવાનાં છે. જો કે આ એક્સ્પો 1 વર્ષનાં વિલંબથી યોજાઇ રહ્યો હોવાનાં લીધે બજેટમાં ફાળવેલી રકમ આગળના વર્ષમાં લઇ જવામાં આવશે.
ગુજરત રાજ્યનાં ઉદ્યોગ વિભાગનાં સૂત્રોએ જણાવ્યું હતું કે, બ્યુરો ઓફ ઇન્ટરનેશનલ ડેસ એક્સપોઝિશન્સ અથવા જે આંતરરાષ્ટ્રીય સંગઠન છે તેમજ વર્ષ 1931થી તે એક્સ્પોનું આયોજન કરે છે. વર્ષ 2021માં જે એક્સ્પો થવાનો છે તે 173 દિવસ સુધી ચાલવાનો છે. મધ્ય પૂર્વ, આફ્રિકા તેમજ દક્ષિણ એશિયાનાં દેશોમાં યોજનારા તેનાં 169 વર્ષનાં ઇતિહાસનો પહેલો એક્સ્પો છે. આ એક્સ્પોમાં 192 દેશોનાં 25 મિલિયન પ્રતિનિધિઓ ત્યાં હાજર રહેશે.
દુબઇમાં વર્લ્ડ એક્સપોની પ્રારંભ 20 ઓક્ટોબર, 2020થી થવાની હતી તેમજ તે 10 એપ્રિલ, 2021 સુધી ચાલવાનો હતો પણ દુનિયાનાં દેશોમાં covid-19 સંક્રમણનાં લીધે એક્સપો 1 વર્ષ માટે મુલતવી રાખવામાં આવ્યો છે. હાલ આ એક્સપો 1 ઓક્ટોબર, 2021 થી 31 માર્ચ, 2022 સુધી ચાલવાનો છે.
Trending News
દુબઇનાં એક્ઝિબિશન સેન્ટરમાં 438 એકર જમીનમાં આ એક્સપો થવાનો છે તેમાં દુનિયાનાં દેશો સહીત ભારતનાં રાજ્યોનો પણ સમાવેશ થવાનો છે. ગત વર્ષે આ એક્સપો બેજીંગમાં યોજાયો હતો તે સમયે ભારતનાં રાજ્યો દ્વારા તેમાં ભાગ લેવામાં આવ્યું હતો. આ વખતે દુબઇ યજમાન બન્યું છે. ગુજરાત રાજ્યની સરકારે આ એક્સ્પોમાં ભાગ લેવા માટે વર્ષ 2020-21નાં બજેટમાં 10 કરોડ રૂપિયાની ફાળવણી કરી હતી પણ હાલ વર્ષ 2021-22નાં સાધારણ અંદાજપત્રમાં આ ફાળવણી કેરી ફોરર્વડ કરવામાં આવશે, કેમ કે હાલ આ વર્ષે એક્સ્પો થવાનો નથી.
વિભાગનાં અધિકારી દ્વારા કહેવામાં આવ્યું હતું કે, મુખ્યમંત્રી વિજય રૂપાણીની આગેવાનીમાં ઉચ્ચસ્તરીય પ્રતિનિધિમંડળ આ એક્સ્પોની મુલાકાતે જવાનું છે તે સમયે રાજ્યનાં ઉદ્યોગ વિભાગે એક્સ્પોમાં ભાગ લેવા માટે 10 કરોડ રૂપિયા અથવા તેમાં જગ્યાનાં ભાડા રૂપે પાંચ કરોડ તેમજ બીજી સેવાઓ માટે પાંચ કરોડ રૂપિયા મંજૂર કરવામાં આવ્યા છે.
અધિકારી દ્વારા જણાવવામાં આવ્યું હતું કે, વર્લ્ડ એક્સ્પો વર્ષ 2021માં હિસ્સો લેવાનો હેતુ ગુજરાત રાજ્યની ઔદ્યોગિક પ્રગતિ, રાજ્યએ મેળવેલી સિદ્ધિઓ, રાજ્યમાં મૂડીરોકાણની તકો અને આર્થિક રીતે ગુજરાત રાજ્યની ગતિવિધિઓની દુનિયાનાં દેશોને માહિતી આપવાનો છે. રાજ્યનું પ્રતિનિધિમંડળ એક્સ્પોમાં ભાગ લઇને દુનિયાનાં ઉદ્યોગજૂથોને ગુજરાત રાજ્યમાં મૂડીરોકાણ માટે આકર્ષવાનાં પ્રયત્ન કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle