November 18, 2024
અફઘાનિસ્તાન પર તાલિબાનોના કબજા બાદ ત્યાંની સ્થિતિ ખરાબ છે. સોશિયલ મીડિયા પર હાલમાં એક નવો વીડિયો વાયરલ થઈ રહ્યો છે, જેમાં વિમાનની પાંખડા પર બેસીને અફઘાનીઓ મુસાફરી કરી રહ્યા છે અને વિમાન રનવે પર ચાલતું જોવા મળે છે. અફઘાન નાગરિકે આ વિડીઓને પોતાના ફોનમાં કેદ કરી લીધો છે. અલબત્ત, આ દુ:ખદાયક વીડિયો દેશ છોડવા માંગતા અફઘાનની નિરાશા દર્શાવે છે. વિમાનની પાંખડા પર બેઠેલા આ ભીડમાંથી કોઈ બચવાની શક્યતા બહુ ઓછી છે. આ પહેલા સામે આવેલા વીડિયોમાં બે વ્યક્તિ વિમાનમાંથી હવામાં પડતો જોવા મળ્યો હતો.
મહિલાઓ, બાળકો અને ખાસ કરીને જેમણે છેલ્લા 20 વર્ષમાં પશ્ચિમી શક્તિઓને મદદ કરી છે તેઓ અફઘાનિસ્તાન છોડવા માટે ભયાવહ છે. તેમને લાગે છે કે જો તેઓ અહીં રહે તો તેમનો જીવ જોખમમાં છે. વિમાનના પાંખડા પર લટકતી ભીડનો આ વીડીઓ ખુબ જ ખતરનાક છે અને સાથે સાથે જોઈ શકો છો કે, રનવે પર હજારો વધુ લોકોને બતાવવામાં આવી રહ્યા છે.
View this post on Instagram
Trending News
તાલિબાન રવિવારે સાંજે કાબુલમાં ઘુસી જતાં, ચૂંટાયેલી સરકાર પડી ભાંગી છે. લોકો એરપોર્ટ મારફતે પોતાનો દેશ છોડીને બહાર જવા માંગે છે. દિવાલો અને વાડ પાર કરીને હજારો લોકો એરપોર્ટમાં પ્રવેશ્યા છે. તેઓ માત્ર કોઈપણ ફ્લાઇટમાં ચઢીને અહીંથી નીકળવા માંગે છે. કેટલાક લોકો ત્યાંથી નીકળવામાં સફળ રહ્યા, પરંતુ કેટલાક હજી પણ તેમના વારાની રાહ જોઈ રહ્યા છે. યુએસ એરફોર્સના વિમાને 600 થી વધુ લોકોને વિમાનમાં બેસાડીને લઇ ગયા છે, જેમની તસવીરો તાજેતરમાં હેડલાઇન્સ બની છે.
તે જ સમયે, અફઘાનિસ્તાનમાં પોસ્ટ કરતી વખતે અફઘાન સાથીઓ ના ડરનો અનુભવ કરનારા ઘણા યુએસ અધિકારીઓએ તેમને દૂર કરવાની પ્રક્રિયામાં વિલંબ કરવા માટે વિદેશ વિભાગની ટીકા કરી હતી. જ્યારે રાષ્ટ્રપતિ બિડેને એપ્રિલના મધ્યમાં નિર્ણય કર્યો હતો કે ઓગસ્ટના અંત સુધીમાં તમામ અમેરિકન સૈનિકોને પાછા ખેંચી લેવામાં આવશે. વિઝા આપવાની એકમાત્ર સત્તા ધરાવતા યુએસ સ્ટેટ ડિપાર્ટમેન્ટે ભૂતપૂર્વ દુભાષિયાઓ અને અન્ય લોકો માટે થોડા વિલંબ સાથે અલગ વ્યવસ્થા કરી હતી.
આ વાયરલ વિડીઓની ત્રિશુલ ન્યુઝ(TRISHUL NEWS) પુષ્ટિ કરતું નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.