સંબિત પાત્રાને ફેક ન્યુઝ ફેલાવવા પડ્યા ભારે- સુરતમાં વકીલે કરી પોલીસ ફરિયાદ- વાંચો અહિ

હાલમાં ઉત્તર પ્રદેશ માં બસ બાબતે થઇ રહેલી રાજનીતિ ચરમ સીમા છે. મજૂરોની ચિંતા કરવાને બદલે ત્યાની રાજકીય પાર્ટી અને ખુદ મુખ્યમંત્રી યોગી આદિત્યનાથ પણ રાજનીતિ પર ઉતરી આવ્યા છે. દેશભરમાં કોઈ પણ ઘટનાને સારી રીતે રાજનીતિ સાથે જોડી દઈ હિંદુ મુસ્લિમ કરવું હોય કે ભાજપ કોંગ્રેસ કરવું હોય તેના માટે પંકાયેલા અને ખોટા માર્ગે દોરતી ટ્વીટ કરવા પંકાયેલા સંબિત પાત્રાએ ફરી વખત પોતાની મુર્ખામી છતી કરી હતી જે હવે તેમને જ ભારે પડી રહી છે.

સુરતમાં એક પાર્થ લખાણી નામના વકીલે સાયબર ક્રાઈમ પોલીસ સ્ટેશના અને પોલીસ કમીશ્નરશ્રી ને લેખિત ફરિયાદ આપતા કહ્યું છે કે, સ્મિત પાત્રા એ 19 મે ના રોજ એક ટ્વીટ કરી હતી જેમાં જનતા ને કોંગ્રેસ વિરુદ્ધ ભડકાવવા ખોટી માહિતી આપીને સંબિત પાત્રાએ કહ્યું હતું કે, પ્રિયંકા વાડ્રા એ જે બસની યાદી આપી છે તેમાં વાહનો અનફીટ છે, તેમાંથી બસ ને બદલે એમ્બ્યુલન્સ, કાર, ટ્રેક્ટર અને સ્કુટર છે. સાથે સાથે સંબીતે એક સ્ક્રીનશોટ પણ મુક્યો હતો જેમાં તેનો દાવો હતો કે કોંગ્રેસે આપેલી યાદીમાં બસ ને બદલે એમ્બ્યુલન્સ હતું. જે ખોટી વાત સાબિતી થઇ છે.