February 20, 2025
22 વર્ષીય પરિણીત મહિલાએ સોમવારે સવારે પોણા નવ વાગ્યાની આસપાસ એકસાથે 5 બાળકો (Children)ને જન્મ આપ્યો હતો. પ્રી-મેચ્યોર ડિલિવરી(Pre-mature delivery) બાદ માતાની તબિયત ઠીક છે, પરંતુ બાળકોની હાલત નાજુક હતી. સ્થિતિને જોતા તેમને કરૌલી (Karauli)ની હોસ્પિટલમાંથી બપોરે 1.30 વાગ્યે જયપુર(Jaipur) રિફર કરવામાં આવ્યા હતા. આ દરમિયાન 2 છોકરાઓ અને 2 છોકરીઓના જયપુર જતા રસ્તામાં જ મોત થયા હતા, જ્યારે એક છોકરીનું જયપુર પહોંચ્યા બાદ હોસ્પિટલમાં મોત થયું હતું. બાળકોનું વજન 300 થી 660 ગ્રામ સુધી હતું.
બાળકોના જન્મમાં દોઢ મિનિટનો તફાવત:
એક ખાનગી હોસ્પિટલના ડૉક્ટર આશા મીનાએ જણાવ્યું કે, મસાલપુર વિસ્તારના પિપરાની ગામની રહેવાસી રેશ્મા (25) પત્ની અશ્ક અલી લગ્નના 7 વર્ષ બાદ માતા બની હતી. રેશ્માએ એકસાથે 5 બાળકોને જન્મ આપ્યો. જેમાં 2 છોકરાઓ અને 3 છોકરીઓ હતા. ડિલિવરી 7 મહિનામાં કરવામાં આવી હતી. જેના કારણે બાળકો નબળા પડી ગયા હતા. ડોક્ટરે જણાવ્યું કે 5 બાળકોમાં એક બાળકના જન્મ વચ્ચે દોઢ મિનિટનું અંતર હતું. પ્રસૂતિ વખતે તેમની સાથે ડૉ.જે.પી. અગ્રવાલ અને 4 નર્સિંગ કર્મચારીઓ હાજર હતા.
Trending News
બાળક માટે ઘણા ડોકટરોને બતાવ્યા:
ઘણા વર્ષો પછી પણ રેશ્માને સંતાન નહોતું. આ માટે તેણે ઘણી જગ્યાએ બતાવ્યું. ઘણા ડોકટરો પાસેથી સારવાર લીધી. હવે તેમને એકસાથે 5 બાળકો હતા. પરંતુ બદનસીબે એક પણ બાળક જીવતું રહ્યું નથી.
JK લોન હોસ્પિટલમાં દાખલ:
કરૌલી હોસ્પિટલના SNCU યુનિટ ઈન્ચાર્જ ડૉ. મહેન્દ્ર મીણાએ જણાવ્યું કે મહિલાની ડિલિવરી શહેરની એક ખાનગી હોસ્પિટલમાં થઈ હતી. તમામ બાળકોને ઇન્ક્યુબેટરમાં મૂકવામાં આવ્યા હતા. અમારી પાસે આવા ઓછા વજનવાળા બાળકો માટે ઓછી સુવિધા છે, તેથી તેમને એડવાન્સ લાઈફ સપોર્ટ એમ્બ્યુલન્સ દ્વારા જયપુરની જેકે લૉન હોસ્પિટલમાં મોકલવામાં આવ્યા હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.