November 05, 2024
દેશમાં કોરોના(Corona)ના કેસમાં દિવસેને દિવસે સતત વધારો થઈ રહ્યો છે તો સાથે ઓમિક્રોન(Omicron) પણ પાછી પાની કરવાનું નામ નથી લઈ રહ્યો. દરરોજ રેકોર્ડ બ્રેક કોરોનાના કેસો સામે આવી રહ્યા છે. જેને કારણે દેશ વાસીઓની ચિંતામાં વધારો થઈ રહ્યો છે. જો આવી જ રીતે કોરોના ના કેસમાં વધારો થતો રહેશે તો ત્રીજી લહેર(third wave) ને આવતા કોઈ નહિ રોકી શકે.
દેશભરમાં કોરોનાના કેસ ઝડપથી વધી રહ્યા છે. છેલ્લા 24 કલાકમાં 1 લાખ 94 હજાર 720 નવા કેસની પુષ્ટિ થઈ છે. આ દરમિયાન 442 લોકોના મોત થયા છે અને 60 હજાર 405 લોકો સાજા થયા છે. ભારતમાં હાલમાં 9 લાખ 55 હજાર 319 સક્રિય કેસ છે. સકારાત્મકતા દર પણ 11.05 ટકા પર પહોંચી ગયો છે. આ દરમિયાન ઓમિક્રોનના 4 હજાર 868 કેસ નોંધાયા છે.
મંગળવારની સરખામણીમાં આજે કોરોનાના 26 હજાર 657 વધુ કેસ નોંધાયા છે એટલે કે માત્ર એક જ દિવસમાં લગભગ 15.8 ટકા કેસ વધી ગયા છે. મંગળવારે 1 લાખ 68 હજાર 63 કેસ નોંધાયા હતા. રાજધાની દિલ્હીમાં કોરોનાના કેસમાં વધારો થયો છે. દિલ્હીમાં કોવિડ-19થી વધુ 23 લોકોના મોત થયા છે અને ચેપના 21,259 નવા કેસ નોંધાયા છે. આ સાથે રાષ્ટ્રીય રાજધાનીમાં ચેપનો દર વધીને 25.65 ટકા થઈ ગયો છે. મંગળવારે અહીં આરોગ્ય વિભાગ દ્વારા શેર કરાયેલ ડેટામાં આ માહિતી આપવામાં આવી છે. વિભાગે જણાવ્યું હતું કે સોમવારે કુલ 82,884 નમૂનાઓનું પરીક્ષણ કરવામાં આવ્યું હતું, જેમાં 61,060 RT-PCR ટેસ્ટનો સમાવેશ થાય છે.
Trending News
તેમાં કહેવામાં આવ્યું છે કે દિલ્હીની હોસ્પિટલોમાં હાલમાં કુલ 2,209 કોવિડ દર્દીઓ દાખલ છે, જેમાંથી 84 વેન્ટિલેટર પર છે. આરોગ્ય વિભાગે માહિતી આપી હતી કે હાલમાં દિલ્હીમાં કોવિડ-19ના 74,881 સારવાર હેઠળના કેસ છે, જેમાંથી 50,796 લોકો હોમ આઈસોલેશનમાં છે.
તે જ સમયે, તમને જણાવી દઈએ કે, કોરોનાના વધતા ખતરાને જોતા, દિલ્હીમાં તમામ ખાનગી ઓફિસોને બંધ કરવાનો આદેશ આપવામાં આવ્યો છે. હવે દિલ્હીમાં ઇમરજન્સી સેવાઓ સાથે સંબંધિત ખાનગી ઓફિસો જ ખુલશે. બાકીના બધાએ ઘરેથી કામ કરવું પડશે. દિલ્હીમાં કોરોનાની સકારાત્મકતા દર વધીને 25 ટકા થઈ ગયો છે. જેના કારણે દિલ્હી સરકારે આ મોટો નિર્ણય લેવો પડ્યો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.