મોટી ભવિષ્યવાણી: “ભારતમાં ઓગસ્ટ સુધીમાં કોરોનાને કારણે 34 હજાર લોકોના મોત થશે”, જાણો કોણે કહ્યું?

કોરોના વાઇરસનો કહેર સતત વધતો જઈ રહ્યો છે. ચીનમાંથી ફેલાયેલો વાયરસ ભારત સહિત ઘણા દેશોમાં હાહાકાર મચાવી રહ્યો છે. ભારતમાં પણ આ વાયરસથી પીડિત દર્દીઓની સંખ્યા સતત વધી રહી છે. એવામાં કોરોના વાયરસથી સતત વધતા સંક્રમણને ધ્યાનમાં લઈને મોદીએ સંપૂર્ણ દેશમાં લોકડાઉનની જાહેરાત કરી હતી.

હાલમાં ભારતમાં ચોથી વખત લોકડાઉન લાગુ કર્યા બાદ પણ કોરોના વાયરસના કેસમાં સતત વધારો થઈ રહ્યો છે. હવે એક શોધમાં અંદાજ વ્યક્ત કરવામાં આવ્યો છે કે, બંને દેશમાં જો કોરોના વાયરસના કેસ આ જ રીતે વધતા રહ્યા તો ઓગસ્ટ સુધીમાં ભારતમાં મૃત્યુઆંક 34 હજાર અને પાકિસ્તાનમાં 5 હજારને પાર થઈ જશે.

Big surge coming for India and Pakistan. Cases and deaths projected to increase manifold by Aug 4. See attached

Some politicians/people may hate the other side but the virus “loves” both countries, equally

The projection may be false; but the lesson will be true. #LoveForAll pic.twitter.com/WQMaE5TMNW

— Faheem Younus, MD (@FaheemYounus) May 22, 2020

USની યુનિવર્સિટી ઓફ મેરીલેન્ડના ચેપી રોગના નિષ્ણાંત એવા ફહીમ યૂનૂસના જણાવ્યા મુજબ, ભારત અને પાકિસ્તાનમાં કોરોનાના કેસમાં સતત વધારો થઈ રહ્યો છે. જો આ પ્રમાણે આંકડો વધતો રહ્યો તો કદાચ 4 ઓગસ્ટ સુધીમાં મૃત્યુઆંક અનેક ગણો વધી જશે. આ ઉપરાંત તેમણે જણાવ્યું કે, 4 ઓગસ્ટ સુધી કોરોના વાયરસને કારણે લગભગ 34,155 લોકોના મોત થઈ શકે છે. જો કે, તેમણે જણાવ્યું છે કે અંદાજ ખોટા હોઈ શકે છે.