November 24, 2024
આજે પણ કોરોના(Corona)ના કેસમાં ઉછાળો આવ્યો છે. છેલ્લા 24 કલાકમાં કોવિડ(Covid-19)ના 13 હજારથી વધુ(13,313) નવા કેસ સામે આવ્યા છે. આ સંખ્યા બુધવાર કરતાં 8.7 ટકા વધુ છે. આ ઉપરાંત છેલ્લા 24 કલાકમાં કોવિડને કારણે 38 લોકોએ જીવ ગુમાવ્યા છે. હાલમાં, ભારતમાં કોવિડના 83 હજારથી વધુ એક્ટીવ કેસ છે.
જે પાંચ રાજ્યોમાં કોવિડની સ્થિતિ ચિંતાજનક છે તેમાં કેરળ (4,224), મહારાષ્ટ્ર (3,260), દિલ્હી (928), તમિલનાડુ (771) અને ઉત્તર પ્રદેશ (678)કેસોનો સમાવેશ થાય છે. કુલ નવા કેસોમાંથી 74.07 ટકા આ પાંચ રાજ્યોમાંથી આવ્યા છે. તે જ સમયે, કુલ નવા કેસોમાં ફક્ત કેરળનો હિસ્સો 31.73 ટકા છે.
કોવિડને કારણે છેલ્લા 24 કલાકમાં 38 દર્દીઓના મોત થયા છે. દેશમાં કોવિડને કારણે અત્યાર સુધીમાં પાંચ લાખ (5,24,941) થી વધુ લોકોના મોત થયા છે. દેશમાં કોવિડમાંથી રિકવરી રેટ 98.6 ટકા છે. છેલ્લા 24 કલાકમાં 10,972 દર્દીઓએ કોવિડને માત આપી છે. હાલમાં દેશમાં કોવિડના 83,990 એક્ટીવ કેસ છે. છેલ્લા 24 કલાકમાં 2,303 એક્ટીવ કેસ વધ્યા છે.
Trending News
કોવિડ રસી વિશે વાત કરીએ તો ગઈકાલે 14 લાખ (14,91,941) થી વધુ કોવિડ રસી આપવામાં આવી હતી. દેશમાં અત્યાર સુધીમાં 196 કરોડથી વધુ (1,96,62,11,973) કોવિડ રસી લગાવવામાં આવી છે. ગઈકાલે દેશમાં કોવિડના 3 લાખથી વધુ કોરોના ટેસ્ટ કરવામાં આવ્યા હતા.
ગઈકાલે રાજધાની દિલ્હીમાં COVID-19 ના 928 નવા કેસ નોંધાયા હતા, જે સક્રિય કેસોની સંખ્યા 5,054 પર લઈ ગયા હતા. તે જ સમયે, મહારાષ્ટ્રમાં છેલ્લા 24 કલાકમાં COVID19 ના 3,260 કેસ નોંધાયા છે. અહીં હવે 24,639 એક્ટીવ કેસ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.