November 26, 2024
હાલ કોરોનાની પાયમાલની વચ્ચે, ઓક્સિજનની અછત દરરોજ ઘણા લોકોનો ભોગ લઈ રહી છે. આ દરમિયાન આવો જ એક કિસ્સો ગુજરાતના બનાસકાંઠા જિલ્લામાંથી સામે આવ્યો છે. મોડી રાત્રે ડીસાની ખાનગી હોસ્પિટલમાં ઓક્સિજનના અભાવે પાંચ દર્દીઓનાં મોત નીપજ્યાં હતાં. આ અગાઉ યુપીના ઉન્નાવમાં પણ ઓક્સિજનના અભાવને કારણે એક સાથે 9 લોકોના મોત નીપજ્યા હતા.
મળતી માહિતી મુજબ, બનાસકાંઠાના કોરોનાના દર્દીઓ પાલનપુરની ડીસાની હોસ્પિટલોમાં સારવાર લઈ રહ્યા છે. હોસ્પિટલોમાં ઓક્સિજનની અછત છે. ડીસાની ખાનગી હોસ્પિટલમાં મોડી રાત્રે ઓક્સિજનના અભાવે 5 દર્દીઓનાં મોત નીપજ્યાં હતાં. જેઓ ઓક્સિજનના અભાવને કારણે મૃત્યુ પામ્યા છે તેના પરિવારો રડી રહ્યા છે.
તે જ સમયે, બનાસકાંઠાના જિલ્લા આરોગ્ય અધિકારી ડો.જિગ્નેશ કહે છે કે, સમગ્ર આરોગ્ય વિભાગ અને આરોગ્ય કર્મીઓ કોરોનાથી પીડિત દર્દીઓને બચાવવા માટે તમામ શક્ય પ્રયત્નો કરી રહ્યા છે. પરંતુ, ઓક્સિજન અને જીવન બચાવવાની દવાઓના અભાવને કારણે કેટલાક લોકોને બચાવી શકાતા નથી.
Trending News
આ પહેલા ઉત્તર પ્રદેશના ઉન્નાવમાં ઓક્સિજનના અભાવને લીધે એક સાથે 9 લોકોનાં મોત નીપજ્યાં હતાં. ઉન્નાવ જિલ્લાના નવાબગંજ સ્થિત સરસ્વતી મેડિકલ કોલેજમાં કોરોનાથી નવ લોકોના મોત થતાં હંગામો મચ્યો હતો. ચેપગ્રસ્તના મોતથી ઉશ્કેરાયેલા પરિવારના સભ્યોએ હોબાળો મચાવ્યો હતો, જેને કારણે વાતાવરણ તંગ બની ગયું હતું.
એક સાથે નવ લોકોના મોત બાદ જિલ્લા વહીવટી તંત્રમાં ખળભળાટ મચી ગયો છે. અહીં દાખલ કરાયેલા આ જ કોરોના દર્દીએ સોશિયલ મીડિયા પર એક વીડિયો વાયરલ કર્યો હતો. જેમાં તેણે કહ્યું હતું કે, શ્વાસ લેવામાં તકલીફ હોવાં છતાં ઓક્સિજન આપવામાં આવતું નથી.
ઉન્નાવના સીએમઓ ડો.આશુતોષે જણાવ્યું હતું કે, મૃત્યુ પામેલા નવ દર્દીઓમાં રામેશ્વર, હરિનામ, શિવ પ્રતાપ સિંઘ, સુષ્મા સોની, સત્યવતી, સત્પલસિંહ, રાજનારાયણ, કૈલાસ, વિજય શંકર હતા. આ તમામ દર્દીઓ ઉન્નાવના હતા. બધા દર્દીઓ કોરોના પોઝિટિવ હતા અને આને કારણે તે ન્યુમોનિયા અને એઆરડીએસથી પીડિત હતા.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.