February 01, 2025
કોરોનાવાયરસથી સમગ્ર વિશ્વમાં જબરદસ્ત વિનાશ થયો છે. ભારતમાં સંક્રમણના કેસોમાં ઘટાડો થતો હોવા છતાં, કેટલાક દેશોમાં આ સ્થિતિ ફરીથી ચિંતાજનક બની છે. આ દરમિયાન, કોરોનાના વિલક્ષણ દેખાવને દર્શાવતા અન્ય એક સમાચાર સામે આવ્યા છે. કોરોનાને કારણે, એક મહિલાની આંગળીઓ ગેંગરેનનો શિકાર બની. મહિલાની આંગળીઓ સંપૂર્ણપણે કાળી થઈ ગઈ, અંતે તેને કાપવી પડી.
ડોક્ટરોએ કહ્યું કે, લોહી ગંઠાઈ જવાને કારણે મહિલાની આંગળીઓ કાપવા સિવાય કોઈ વિકલ્પ નહોતો. મહિલાની ઉંમર 86 વર્ષ છે. યુરોપિયન જર્નલ ઓફ વેસ્ક્યુલર અને એન્ડોવાસ્ક્યુલર સર્જરીમાં પ્રકાશિત અહેવાલમાં જણાવાયું છે કે, સ્ત્રી વાયરસથી થતી આડઅસરનો ભોગ બની હતી, જે વાયરસથી થતાં રોગનું ગંભીર સ્વરૂપ છે. પીડિત મહિલા ગયાં વર્ષે એપ્રિલમાં કોરોના પોઝિટિવ હતી.
રિપોર્ટ અનુસાર, ચેપથી મહિલાના શરીર પર ભારે અસર થઈ હતી. તેની આંગળીઓમાં ગેંગ્રેઇન હતું, ત્યારબાદ ડોકટરોએ ત્રણ આંગળીઓ કાપવી પડી હતી. અહેવાલમાં જણાવાયું છે કે, જ્યારે શરીર ખૂબ જ સંવેદનશીલ રીતે ચેપ સામે લડે છે ત્યારે શરીર પર આવી અસર જોવા મળે છે. વૈજ્ઞાનિકો વધુ સંશોધન કરી રહ્યા છે કે, કોરોનાવાયરસથી પીડિત વ્યક્તિને સર થયા બાદ કેવા પ્રકારની સમસ્યાનો સામનો કરવો પડે છે.
Trending News
The list of mysterious symptoms related to the coronavirus keeps getting longer.
The latest unexpected side effect happened to an 86-year-old woman in Italy, whose fingers turned black with gangrene as COVID-19 caused severe clotting, cutting off thehttps://t.co/HgWM4UTfhO pic.twitter.com/pnPtcMr3ep
— CHARLES IGBINIDU (@CFOPUBREL) February 13, 2021
વૈજ્ઞાનિકો માને છે કે, સ્ત્રીને એક્યુટ કોરોનરી સિન્ડ્રોમ થઈ શકે છે જેના કારણે હૃદયમાં લોહીનો પ્રવાહ અચાનક ઓછો થઈ જાય છે અને લોહીની ગંઠાઇ જવાને કારણે આંગળીઓમાં લોહી પહોંચાડવામાં સમર્થ નથી. તે જ સમયે, ડોકટરો કહે છે કે મોટા પાયે કોરોનાથી પીડિત દર્દીઓમાં લોહી ગંઠાઇ જવાની ફરિયાદો આવી છે. કિંગ્સ કોલેજ લંડનના પ્રોફેસર રૂપેન આર્યના જણાવ્યા અનુસાર, ગયા વર્ષે મે મહિનામાં કોવીડ -19 વાળા 30% દર્દીઓમાં લોહી ગંઠાઈ જવાની સમસ્યા જોવા મળી હતી.
વૈજ્ઞાનિકોએ ચેતવણી આપી છે કે કોરોના વાયરસ ભલે ઓછો થયો હોય, પરંતુ ખતરો હજી પણ છે. તેમણે લોકોને સાવચેતી રાખવા અપીલ કરી છે. તે જ સમયે, ન્યુઝીલેન્ડમાં સનસનાટી ફેલાઈ ગઈ છે, જેણે કોરોના રોગચાળાને હરાવી છે. અહીં તકેદારી રૂપે લોકડાઉન લાગુ કરવામાં આવ્યું છે. વડાપ્રધાન જેકિંદા આર્ડેર્ને કહ્યું હતું કે, દેશના બાકીના ભાગોને પણ આત્યંતિક નિયંત્રણો હેઠળ રાખવામાં આવશે જેથી ઓકલેન્ડ શહેર સિવાય બીજા શહેરમાં લોકડાઉન લગાવવામાં ન આવે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle