વાયુવેગે વધી રહ્યો છે કોરોના, છેલ્લા 24 કલાકમાં એટલા કેસ નોંધાયા કે…

હાલમાં કોરોનાની મહામારી દીવસેને દિવસે સતત વધતી જ જાય છે. આ મહામારીને કારણે લાખો લોકોના મોત પણ થઈ ચુક્યા છે. ભારત દેશમાં પણ આ મહામારીનો શિકાર મોટાભાગનાં લોકો બની રહ્યાં છે. હાલમાં કોરોના મહામારીને લઈને એક સમાચાર સામે આવી રહ્યાં છે.

દેશમાં કોરોનાનાં કેસ સતત વધી રહ્યા છે. શુક્રવારનાં રોજ કુલ 96,424 નવા કેસ નોંધાયા હતા. આ નવા કેસો સાથે દેશમાં કોવિડ -19 દર્દીઓની સંખ્યા વધીને કુલ 52 લાખથી વધુ થઈ ગઈ છે. આ રાહતની વાત છે કે, આ રોગમાંથી સાજા થનારા લોકોની સંખ્યામાં પણ વધારો થયો છે. મળતી માહિતી મુજબ, અત્યાર સુધીમાં કુલ 41,12,000 થી વધુ લોકોનો ઇલાજ થઈ ચૂક્યો છે.

શુક્રવારની સવારે કેન્દ્રીય આરોગ્ય અને કુટુંબ કલ્યાણ મંત્રાલયે અપડેટ કરેલા આંકડા મુજબ, છેલ્લા 24 કલાકમાં મૃત્યુઆંક કુલ 1,174 ના મોત સાથે વધીને કુલ 84,372 પર પહોંચી ગયો છે. દેશમાં કોરોનાનાં કેસો વધીને કુલ 52,14,678 થયા છે, જેમાંથી કુલ 10,17,754 લોકો સારવાર લઈ રહ્યા છે અને સારવાર બાદ કુલ 41,12,552 લોકો આ રોગમાંથી બહાર આવ્યા છે.

છેલ્લા 24 કલાકમાં 1 મિલિયનથી વધુ નમૂનાઓનું પરીક્ષણ કરાયું:
ઈન્ડિયન કાઉન્સિલ ઓફ મેડિકલ રિસર્ચ દ્વારા જારી કરવામાં આવેલા આંકડા મુજબ 17 સપ્ટેમ્બર સુધીમાં દેશમાં કુલ 6,15,72,343 નમૂનાઓનું પરીક્ષણ કરવામાં આવ્યું હતું, જેમાં ગુરુવાર એટલે કે માત્ર 1 જ દિવસમાં કુલ 10,06,615 નમૂનાઓનું પરીક્ષણ કરવામાં આવ્યું હતું.