પીએમ મોદી- “અર્થવ્યવસ્થાને પાટા પર પાછા ફરવાના સંકેત દેખાઈ રહ્યા છે”

દેશમાં વધેલા કોરોના સંકટ વચ્ચે આજથી બે દિવસ માટે કેન્દ્ર અને રાજ્યોની મહત્ત્વની બેઠકો શરૂ થઈ ગઈ છે. પ્રધાનમંત્રી નરેન્દ્ર મોદી આજે પંજાબ, ચંદીગઢ સહિત પહાડી અને પૂર્વ ઉત્તર રાજ્યો સાથે બેઠક કરી રહ્યા છે. પીએમ મોદીએ કહ્યું કે ભવિષ્યમાં જ્યારે પણ ભારત કોરોના સામે આવી રીતે થયેલી લડાઈ નું અધ્યયન થશે તો આ સમય એટલા માટે પણ યાદ કરવામાં આવશે કે આપણે એક સાથે મળીને કામ કર્યું હતું.

પીએમે કહ્યું કે દુનિયાના મોટા મોટા એક્સપર્ટ, સ્વાસ્થ્યના જાણકાર અને ભારતના લોકો દ્વારા બતાવવામાં આવેલ અનુશાસનની આજે ચર્ચાઓ થઈ રહી છે. ભારતનો રિકવરી રેત 50 ટકાથી પણ વધારે છે. આજે ભારત દુનિયાના એ દેશોમાં અગ્રણી રહ્યો છે જ્યાં કોરોના સંક્રમિત દર્દીઓનું જીવન બચી રહ્યું છે.

પીએમ મોદીએ કહ્યું કે આપણે આ વાતનું હંમેશા ધ્યાન રાખવાનું છે કે કોરોનાને જેટલો રોકી શું તેટલો જ વધતો રોકી શકાશે. એટલે જ આપણી અર્થવ્યવસ્થા ખુલી છે, આપણી ઓફિસો ખુલશે, માર્કેટ ખુલશે,ટ્રાન્સપોર્ટના સાધનો ખુલશે અને એટલા જ નવા રોજગારના અવસરોને પણ સામે આવશે.

મુખ્યમંત્રીઓ સાથેની વાતચીતમાં પીએમ મોદીએ કહ્યું કે ખેડૂતોના ઉત્પાદનનું માર્કેટિંગના ક્ષેત્રમાં હાલમાં જે સુધારા કરવામાં આવ્યા છે તેનાથી ખેડૂતોને ખૂબ લાભ થશે. તેનાથી ખેડૂતોને પોતાનો પાક વેચવા માટે નવા વિકલ્પો મળી રહેશે. તેમની આવક વધશે અને સ્ટોરેજના અભાવના કારણે તેમને જે નુકસાન થતું હતું તેને પણ આપણે ઓછું કરી શકીશું.