November 03, 2024
ક્યુબા(Cuba)ની રાજધાની હવાનામાં વિસ્ફોટ(Blast in Havana)થી ભારે નુકસાનના અહેવાલ છે. વિસ્ફોટમાં હોટલનો એક ભાગ ધ્વસ્ત થઈ ગયો હતો. ક્યુબાની રાજધાની હવાનાની મધ્યમાં એક વૈભવી હોટલમાં કુદરતી ગેસ લીક થવાથી સર્જાયેલા ભયાનક વિસ્ફોટ(Blast at the hotel)માં એક બાળક સહિત ઓછામાં ઓછા 22 લોકોના મોત થયા હતા અને ડઝનેક લોકો ઘાયલ થયા છે. આ સ્થળની મુલાકાત લેનાર પ્રમુખ મિગુએલ ડિયાઝ કેનેલના કાર્યાલયના ટ્વિટર એકાઉન્ટ અનુસાર, જૂના હવાનામાં 19મી સદીના સંરચના હોટેલ સારાટોગામાં વિસ્ફોટ થયો હતો. જણાવવામાં આવી રહ્યું છે કે ગેસ લીક થવાને કારણે વિસ્ફોટ થયો હતો.
હવાનાના ગવર્નર રેનાલ્ડો ગાર્સિયા ઝપાટાએ કમ્યુનિસ્ટ પાર્ટીના અખબાર ગ્રાનમાને જણાવ્યું હતું કે વિસ્ફોટ સમયે 96 રૂમની સારાટોગા હોટેલમાં કોઈ પ્રવાસીઓ ન હતા કારણ કે નવીનીકરણ ચાલી રહ્યું હતું. આરોગ્ય મંત્રાલયના હોસ્પિટલ સેવાઓના વડા ડૉ. જુલિયો ગુએરા ઇઝક્વીર્ડોએ પત્રકારોને જણાવ્યું હતું કે શુક્રવારના અકસ્માતમાં ઓછામાં ઓછા 74 લોકો ઘાયલ થયા છે. રાષ્ટ્રપતિ કાર્યાલયના ટ્વિટ અનુસાર ઘાયલોમાં 14 બાળકોનો સમાવેશ થાય છે.
ઘટનાસ્થળની મુલાકાત લેનાર પ્રમુખ મિગુએલ ડિયાઝ-કેનેલે ટ્વીટ કર્યું: “આ બોમ્બ વિસ્ફોટ કે હુમલો નથી. આ એક દુઃખદ અકસ્માત છે.” ડિયાઝ-કેનેલે જણાવ્યું હતું કે હોટલની નજીકની ઇમારતોમાં રહેતા પરિવારો કે જેઓ વિસ્ફોટથી પ્રભાવિત થયા હતા તેઓને સુરક્ષિત સ્થળોએ ખસેડવામાં આવ્યા છે.
Trending News
ક્યુબાની સરકારી ટીવી ચેનલ અનુસાર, વિસ્ફોટ એક ટ્રકને કારણે થયો હતો જે હોટલને કુદરતી ગેસ સપ્લાય કરી રહી હતી. જોકે, ચેનલે એ જણાવ્યું નથી કે ગેસ કેવી રીતે સળગ્યો હતો. અકસ્માત સાથે જોડાયેલા વીડિયોમાં ફાયર ફાઇટર સફેદ ટેન્કર ટ્રક પર પાણીનો છંટકાવ કરીને તેને સ્થળ પરથી હટાવતા જોઈ શકાય છે. વિડિયોમાં એવું પણ જોવા મળે છે કે વિસ્ફોટને કારણે હોટલમાં ચારે તરફ ધુમાડાના ગોટેગોટા ફેલાઈ ગયા હતા અને ગભરાયેલા લોકો રસ્તા પર દોડતા જોવા મળે છે.
ક્યુબાના આરોગ્ય પ્રધાન જોસ એનજેલ પોર્ટલે એસોસિએટેડ પ્રેસ (એપી) ને જણાવ્યું હતું કે, જૂના હવાનામાં 19મી સદીની હોટલના કાટમાળ નીચે ફસાયેલા લોકોની શોધ ચાલુ હોવાથી ઘાયલોની સંખ્યા વધી શકે છે. ફાયર વિભાગના લેફ્ટનન્ટ કર્નલ નોએલ સિલ્વાએ જણાવ્યું હતું કે, “અમે હજુ પણ કાટમાળ નીચે દટાયેલા લોકોની શોધ કરી રહ્યા છીએ.” હોટલની બાજુમાં 300 વિદ્યાર્થીઓ સાથેની એક શાળાને ખાલી કરાવવામાં આવી હતી. ગાર્સિયાએ જણાવ્યું હતું કે, અકસ્માતમાં પાંચ વિદ્યાર્થીઓને સામાન્ય ઈજાઓ થઈ હતી. પોલીસે વિસ્તારને કોર્ડન કરી લીધો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.